पश्चिमाञ्चल यातायात व्यवसायी समितिको अध्यक्षमा पाण्डे विजयी

बुटवल – पश्चिमाञ्चल यातायात व्यवसायी समितिको अध्यक्षमा यम प्रसाद पाण्डे बिजयी भएका छन्। पाण्डेले कुल खसेको ८६५ मत मध्ये ४५८ मत प्राप्त गरे । उनका प्रतिद्वन्दी टिकाराम गौतमले ३९३ मत पाए ।

पाण्डे र गौतमले अलग अलग प्यानल बनाएर उम्मेदवारी दिएका थिए। पदाधिकारीमा पाण्डे प्यानलका खगराज गौतम खुल्ला उपाध्यक्षमा बिजयी भएपनि अन्य सबै पदमा गौतम समुहका बिजयी भएका छन्। समितिको बरिष्ठ उपाध्यक्षमा गौतम समुहका प्रताप बहादुर कार्की, महासचिवमा हरि प्रसाद कडेल, सचिवमा अर्जुन कुमार भुसाल र कोषाध्यक्षमा हरी प्रसाद रिमाल बिजयी भए। महासचिवमा बर्तमान महासचिव जित बहादुर भाटले पराजय भोग्नु परेको छ ।

पश्चिमाञ्चल यातायात व्यवसायी समिति देशकै सबैभन्दा ठूलो यातायात व्यवसायी समिति मानिन्छ ।