२० प्रतिशतसम्म रेन्ज बढाउन टेस्लाले नेक्स्ट जेनेरेसन कारमा प्यानासोनिक ब्याट्री प्रयोग गर्ने

प्यानासोनिकले सन् २०२३ सम्ममा टेस्लाका लागि नयाँ लिथियम–आयोन ब्याट्री उत्पादन गर्ने योजना बनाइरहेको बताइएको छ । प्यानासोनिक ब्याट्री टेस्लाको ब्याट्री भन्दा बढी शक्तिशाली हुने र इलेक्ट्रिक सवारीको रेन्ज २० प्रतिशतसम्म बढाउने अनुमान गरिएको छ ।

निक्की एसियाका अनुसार जापानी कम्पनीले २०२३ को सुरुदेखि टेस्लाका लागि नयाँ ब्याट्री उत्पादन गर्न करिब ७० करोड ५० लाख डलर लगानी गर्ने योजना बनाएको छ । प्यानासोनिक ब्याट्री हाल टेस्लामा प्रयोग भएको ब्याट्री भन्दा दोब्बर ठूलो हुने अनुमान गरिएको छ । साथै यसको ऊर्जा क्षमतामा ५ गुणा वृद्धि हुनेछ ।

नयाँ ब्याट्रीको प्रयोगले कारको रेन्ज लगभग ६५० किलोमिटरबाट ७५० किलोमिटरसम्म बढाउने अपेक्षा गरिएको छ ।

प्यानासोनिकको नयाँ ब्याट्री जापानको वाकायामा प्लान्टमा ठूलो मात्रामा उत्पादन गरिनेछ । प्यानासोनिक ब्याट्री टेस्ला कम्पनीको साथै अन्य कम्पनीलाई पनि बिक्री गरिने जानकारी दिइएको छ ।