प्यान नम्वर नभएकाले अव गाडी किन्न नपाउने

चार पाङ्ग्रे सवारी साधन खरिद गर्दा अनिवार्य रुपमा स्थायी लेखा नम्बर पेश गर्नुपर्ने भएको छ । आन्तरिक राजस्व विभागले आज एक सूचना प्रकाशित गर्दै यस्तो जानकारी गराएको हो ।

चार पाङ्ग्रे सवारी साधन खरिद गर्दा अनिवार्य रुपमा स्थायी लेखा नम्बर पेश गर्नुपर्ने र बिक्रेताले उक्त स्थायी लेखा नम्बर बिक्री बिजकमा उल्लेख गर्नुपर्ने विभागले जनाएको छ । विभागले प्यान नम्बर अनिवार्य लागू गर्ने क्रममा यो नियम कार्यान्वयनमा ल्याएको हो ।

यो नयाँ नियमले गाडी किन्नुअघि हरेक ग्राहकलाई अनिवार्य प्यान नम्वर लिनुपर्ने देखिएको छ भने प्यान नम्वर नभएका ग्राहकलाई शोरुमले गाडी बिक्री गर्न पाउने छैनन् । यसले गाडीको वजारलाई घुमाउरो बाटोमार्फत कडाई गर्न खोजिएको प्रष्ट देखिन्छ ।