१० लाख सब्स्क्राइबर पुग्ने पहिलो नेपाली मोटोभ्लगर बने एमआरबी भ्लग्स

काठमाडौं – प्रसिद्ध नेपाली मोटोभ्लगर विविदजंग थापा अर्थात एमआरबी भ्लग्स युट्युबमा १० लाख सब्स्क्राइबर पुग्ने पहिलो नेपाली मोटोभ्लगर बनेका छन् । उनको प्रसिद्ध युट्युब च्यानल एमआरबी भ्लग्सले हालै सो माइलस्टोन हासिल गरेको हो ।

मोटो भ्लगिङ र राइडिङमा राम्रो छाप बनाएका थापा आफूलाई मोटो भ्लगरको रुपमा चिनाउन चाहन्छन् । उनका फ्यानहरुले पनि उनलाई मोटो भ्लगर नै भनेर चिन्छन् । यद्यपि उनमा बाइक रेसिङ र यस सम्बन्धी अन्य विधामा समेत शौखिन छन् । हालै उनले सुरक्षा केसीसँग इन्गेजमेन्ट समेत गरेका छन् ।

विशेष गरी युवा पुस्ता माझ उनी निकै नै चर्चित छन् । पहिले बाइक स्टन्ट र अन्य यस्तै भिडियोहरु राखेर उनले शुरु गरेको युट्युब च्यानलमा २०७७ सालमा २ लाख २० हजार जति सब्स्क्राइबर थिए । छोटो समयमै हाल १० लाख सब्स्क्राइबर पुगेका छन् ।

विद्यालय जाने उमेरभन्दा अघि देखि नै थापाले साइकल चलाउन सिकिसकेका थिए । उनी बच्चामा पनि अरु भन्दा फरक क्रियाकलाप गर्थे । साइकल त सबैले चलाउँथे, तर उनको साइकल चलाई बिल्कुलै फरक हुन्थ्यो । उनलाई अप्ठेरो बाटो, सिँढी, भ¥याङहरुमा साइकल दौडाउन मन पथ्र्यो । त्यसो त उनी ५–६ वर्षकै उमेरमा साइकल स्टन्ट गर्थे । ‘मलाई सानैदेखि अरुभन्दा फरक काम गर्न मन लाग्थ्यो,’ उनी भन्छन्, ‘म बच्चैदेखि साहसी थिएँ, जसले गर्दा मैले साइकल चलाएको देखेर सबै अचम्म मान्नुहुन्थ्यो ।’

पछि बाइक राइडिङ र विभिन्न इभेन्टमा सहभागी हुँदै गर्दा उनमा भएको यो शोखले पूर्णता पाउदै गयो । आज धेरै फ्यानहरुले उनलाई भेट्न र कुराकानी गर्न रुचाउछन् । बाइक राइडिङ र अन्य यस्तै क्रियाकलापका भिडियो पोस्ट गर्ने र विविध गतिविधि गरेरै उनले प्रशस्तै रकम समेत आर्जन गर्न सफल भएका छन् । धेरैको प्रेरणाको स्रोत बनेका छन् ।