ईभी र अन्य सवारी मर्मतका लागि ६ महिने अन द जब तालिम दिदै काठमाडौं महानगर, यसरी बनौं सहभागी

काठमाडौं – काठमाडौं महानगरपालिकाले अटोमोबाइल र कृषि क्षेत्र अन्तर्गतका तालिमहरूका लागि सरोकारवालासँगको सहकार्यमा ६ महिने अन द जब ट्रेनिङ अर्थात ओजेटी दिने भएको छ । महानगरपालिकाले यो भन्दा पहिले आयोजना गरेको प्रारम्भिक तालिम लिएका प्रशिक्षार्थीहरूले यो अवसर पाउनेछन् ।

इलेक्ट्रिक भेइकल र अन्य पेट्रोलियम पदार्थबाट चल्ने भेइकल सम्बन्धी मर्मत कार्यमा संलग्न मेकानिक्स तथा कृषि क्षेत्र अन्तर्गत फुल साजसज्जाको प्रारम्भिक तालिम लिएकाहरू यो तालिममा समेटिने छन् ।

काठमाडौँ महानगरपालिका, चाँगुनारायण फाउण्डेसन र सम्बन्धित कम्पनी तथा औद्योगिक प्रतिष्ठानहरूबिच यस कार्यक्रमका लागि सहकार्य गरिएको छ ।

काठमाडौं महानगरपालिकाले यो भन्दा पहिले संचालन गरेको यस सम्बन्धी प्रारम्भिक तालिममा सहभागीहरुले सो ओजेटी तालिममा सहभागी हुन सकिने छ । तालिमका लागि फारम भर्ने अवधि भोलि बिहीबार सम्म मात्र छ । यसका लागि आवेदन भर्न यो लिंक प्रयोग गर्न सकिन्छ ।