ओमोडा एन्ड जेइको बन्यो १७औं रोटरी डिस्ट्रिक्ट सम्मेलनको शीर्ष प्रायोजक

काठमाडौं – नेपालका लागि ओमोडा एन्ड जेइको ब्रान्डको आधिकारिक वितरक एसपीजी अटोमोबाइल्स प्रालिले ‘रोटरी इनटरनेसनल डिस्ट्रिक्ट ३२९२ – नेपाल तथा भुटान’ को ‘१७औँ जिल्ला सम्मेलन’लाई शीर्ष प्रायोजक (टाइटल स्पोन्सर)को रूपमा प्रायोजन गरेको छ ।

चैत ८ देखि सुरु भएको सो प्रतिष्ठित सम्मेलन चैत १० सम्म सम्पन्न भएको थियो । ललितपुरको जावलाखेलस्थित द प्लाजामा आयोजना भएको सो सम्मेलनमा देशभरका २ हजारभन्दा बढी विशिष्ट व्यक्तित्वहरू, रोटरियनहरू र अन्तर्राष्ट्रिय वक्ताहरू सहभागी थिए ।

सम्मेलनमा रोटरी इन्टरनेसनल प्रेजिडेन्ट अफिसका प्रतिनिधि तथा मलेसिया र सिंगापुरका डिस्ट्रिक्ट गभर्नरहरूको उपस्थिति रहेको थियो । सन् १९०५ मा स्थापित रोटरी इन्टरनेसनलमा विश्वभर १४ लाखभन्दा बढी सदस्यहरू दिगो परिवर्तनको अग्रदूतको रूपमा सामुदायिक विकास, साक्षरता, शान्ति, स्वास्थ्य सेवा र पोलियो उन्मूलनजस्ता महत्वपूर्ण क्षेत्रमा उल्लेखनीय योगदान पु¥याउँदै आएका छन् ।

सम्मेलनको शीर्ष प्रायोजकको रूपमा एसपीजी अटोमोबाइल्सले समुदायलाई सशक्त बनाउने र साझा प्रगति प्रेरित गर्ने कार्यलाई सहर्ष समर्थन गरेको बताएको छ । एसपीजी अटोमोबाइल्स दिगो उद्देश्यका साथ नवीनता ल्याउने प्रतिबद्धता बोकेको कम्पनी भएको र यो साझेदारी कम्पनीको मूल्य–मान्यता तथा दृष्टिकोणको निरन्तरता भएको बताइएको छ ।

यो सहकार्यले सामाजिक प्रभाव, अर्थपूर्ण सहकार्य र समुदाय–केन्द्रित नेतृत्वप्रति कम्पनीको प्रतिबद्धतालाई मूर्तरूप दिने काम गर्ने कम्पनीको भनाइ छ ।