नेपाल आउने तयारीमा रहेको ओमोडा ईभीका लागी यस्तो रह्यो वर्ष २०२३

नेपाल आउने तयारीमा रहेको नयाँ ईभी ब्राण्ड ओमोडाले सन् २०२३ मा निकै राम्रो चर्चा बटुलेको छ । गत वर्षको अप्रिल महिनामा विश्वव्यापी लन्च भएको सो नयाँ ब्राण्डको ई५ ईभीले अहिले चीनको घरेलु र अन्तारष्ट्रिय दुबै बजारमा राम्रो प्रतिक्रिया पाइरहेको छ ।

सोही वर्षको अक्टोवर महिनामा आयोजना भएको ‘यूजर कन्फ्रेन्स’ मा ई५ ले उत्साहजनक प्रतिक्रिया बटुलेको कम्पनीको भनाई छ । उक्त कन्फ्रेन्समा कम्पनीले भविष्यमा विभिन्न मोडलका ईभी ल्याउने र ईभीका लागी बलियो इकोसिस्टम तयार पार्ने घोषणा गरेको थियो ।

लन्च भएको पहिलो वर्षमै ओमोडा ई५ ले १ लाख ४७ हजार निर्यातको रेकर्ड समेत कायम गर्न सफल भयो । यसैगरी डीसेम्वर महिनामा १३ हजार ६७७ युनिट निर्यात गर्दै अघिल्लो महिनाको तुलनामा १२.६ प्रतिशतको बृद्धि हाँसिल गर्न सफल भयो । उक्त वर्ष विश्व प्रख्यात रिसर्च एण्ड कन्सल्टिङ संस्था जेडी पावरले ओमोडालाई उदयीमान गुणस्तरिय ब्राण्डका रुपमा उल्लेख गर्यो ।

यसैगरी इन्डोनेशिया इन्टरनेश्नल अटो शो २०२३ मा ‘वेस्ट टेष्ट ड्राइभ एसयूभी’को उपाधी समेत ओमोडा ई५ ले हात पार्न सफल भयो । सो नयाँ एसयूभीले मलेशियामा ‘वेष्ट मिड साइज क्रसओभर’ सहित ‘बेष्ट ५ स्टार एसयुभी’को उपाधी हात पा-यो ।

चिनिया अटो निर्माता चेरी मातहतको इलेक्ट्रिक कार ब्राण्ड ओमोडालाई नेपालमा एसपिजी अटोमोबाइल्सले ल्याउने तयारी गरिरहेको छ । कम्पनीले यसको ई५ मोडललाई अवको केही सातापछि लन्च गर्ने तयारी थालेको हो ।