ओमोडा ई५ ईभीको प्राविधिक विवरण सार्बजनिक, यस्तो हुनेछ नेपाल आउने नयाँ कार

काठमाडौं– ओमोडा एण्ड जेको अटोमोबाइल कम्पनी लिमिटेडले आफ्नो फ्ल्यागसिप भेरियन्ट ओमोडा ई५ इभि नेपालमा सार्वजनिक गर्ने तयारी गरिरहेको छ । सोही क्रममा ओमोडाको चीन समुहले यो विद्युतीय गाडीको परिचय र प्राविधिक विवरणहरूको सूचना प्रदान गर्न हालै एक अनलाइन लाइभ–स्ट्रिम (प्रत्यक्ष्य प्रसारण) कार्यक्रम सञ्चालन गरेको छ ।

ओमोडा नेपाल बिजनेसका प्रबन्ध निर्देशक केपान र ओमोडाका ब्रान्ड म्यानेजर रायन वाङद्वारा आयोजित लाइभस्ट्रिम कार्यक्रम चीनमा भएको थियो । प्रत्यक्ष प्रसारणमा ई५ सार्बजनिक गर्दै यसका विशेषतावारे जानकारी गराइएको थियो । सोही कार्यक्रममार्फत ओमोडा ई५ नेपालमा १८० एमएम ग्राउन्ड क्लियरेन्सको साथ लन्च हुने जानकारी कम्पनीले दियो ।

सो नयाँ एसयूभी ६१ किलोवाट आवर ब्याट्री क्षमता, ९९ किलोवाट मोटर पावर, र ३४० न्युटन मिटर टर्कका साथ आउने र यसले ५१० किलोमिटरसम्म रेन्ज दिने बताइको छ ।

एसयूभीको एक्स्टेरियर डिजाइन ‘लाइट अफ मुभमेन्ट’ नामक आधुनिक डिजाइन–दर्शनमा आधारित रहेको कम्पनीले जनाएको छ । एक्सटेरियर फिचर अन्तर्गत यसमा एक्स आकारको फ्रन्ट फेस, डायनामिक फास्टब्याक आकार, स्ट्यागर्ड–मेट्रिक्स–टेललाइट र टी आकारको डेटाइम‍–रनिङ–हेडलाइट पाउन सकिन्छ ।

ओमोडा ई५ को इन्टेरियरमा २४.६ इन्चको डुअल स्क्रिन, २५६ रङको एम्बियन्ट लाइट, प्रिमियम ८ सोनी स्पिकरसहितको क्रोम डोर ह्याण्डल, विद्युतीय सनरुफ, ५० किलोवाटको वायरलेस चार्जर, भेन्टिलेटेड सिटहरू रहनेछन् ।

साथै यसमा ब्लाइन्ड स्पट डिटेक्सन, लेन चेन्ज असिस्ट डिपार्चर रिमाइन्डर, एडप्टिभ क्रुज कन्ट्रोल, फ्रन्ट कोलिजन वार्निङ, लेन किपिङ असिस्ट, ट्राफिक जाम अभोइडेन्स असिस्टेन्ट, ६ वटाएयरब्याग लगायत १७ भन्दा बढी प्रकारका एडास फिचर दिइएको छ ।

चीनको प्रख्यात अटो निर्माता चेरी अन्तर्गतको ईभी ब्रान्ड ओमोडालाई नेपाली बजारमा एसपीजी अटोमोबाइल्सले आयत गर्न लागेको हो । कम्पनीले हाल चेरीका पेट्रोलियम कार आयत गरी बिक्री गर्दै आएको छ ।