ओलाले ल्यायो एस१ प्रो भन्दा सस्तो इलेक्ट्रिक स्कुटर

भारतीय इभी निर्माता ओलाले हिँजो नयाँ इलेक्ट्रिक स्कुटर एस१ लन्च गरेको छ । एस१ प्रो जस्तै देखिने यो स्कुटरको शुरुवाती मूल्य १ लाख भारु तोकिएको छ ।

अघिल्लो वर्ष लन्च भएको एस१ प्रोलाई कम्पनीले १ लाख १५ हजार भारुमा बिक्री गर्दै आइरहेको छ । यो नयाँ स्कुटरमा पनि एसवा१ प्रोमा जस्तै नयाँ सफ्टवयेर मुभ एसओ३ अपग्रेड गरिएको कम्पनीले जनाएको छ ।

यो स्कुटरमा ३ किलोवाट आवर व्याट्री प्याक जडान गरिएको छ । जसको पिक मोटर पावर ८.५ किलोवाट र रेटेड मोटर पावर ५.५ किलोवाट आवर रहेको छ । यसमा इको, नर्मल र स्पोर्टस गरी कुल ३ प्रकारको राइडिङ मोड उपलब्ध गराइएको छ ।
जसमध्ये इको मोडमा चलाउँदा १२८ किलोमिटर रेन्ज प्राप्त गर्न सकिने दावी गरिएको छ । स्कुटरलाई ९० किलोमिटर प्रतिघन्टासम्मको उच्चतम गतिमा हाँक्न सकिन्छ ।

अन्य फिचर्स एस१ प्रो सरहनै उपलब्ध गराइएपनि यसमा क्रुज कन्ट्रोल भने दिइएको छैन । यो स्कुटरले भारतमा बजाज चेतक र टिभिएस आइक्यूवसंग प्रतिस्पर्धा गर्ने अनुमान अनुमान गरिएको छ ।