ओलाको पहिलो विद्युतीय कार ४ दिनपछि सार्वजनिक हुने

भारतमा इलेक्ट्रिक स्कुटर उत्पादन गरेर चर्चामा आएको ओलाले आफ्नो पहिलो विद्युतिय कार ४ दिनपछि अर्थात अगष्ट १५ मा लन्च गर्ने भएको छ । भारतको स्वतन्त्र दिवसको अवसर पारेर उसले गत वर्ष पनि अगष्ट १५ कै दिन विद्युतिय स्कुटर एसवान प्रो सार्वजनिक गरको थियो । यसपटक भने उसले आफ्नो पहिलो विद्युतिय कार सार्वजनिक गर्न लागेको हो ।

उक्त दिन सार्वजनिक भएपनि यो नयाँ कारको बिक्री भने अर्को वर्षदेखी मात्र शुरु हुने कम्पनीले जनाएको छ । यो नयाँ कारमा कुन साइजको व्याट्री र कति किलोवाट क्षमताको मोटर जडान हुनेछ भन्ने विषयमा हालसम्म कुनैपनि जानकारी वाहिर आएको छैन । यद्यपी यो सेडान कार हुनेछ र यसमा ठूलो साइजको व्याट्री जडान हुनसक्ने अनुमान भने लगाइएको छ ।

यो स्टार्ट अप कम्पनी भारतमा लिथियम आयन ब्याट्री उत्पादन गर्ने गरि पीएलआई योजनामा समेत सहभागि भएको छ । ओलाले हालै लिथियम आयन सेल सार्वजनिक गरेको थियो । ब्याट्री तथा कार उत्पादनका लागि ओलाले नयाँ प्लान्ट नै घोषणा गर्ने अनुमान गरिएको छ ।