३५ हजार रुपैयाँसम्म बढ्यो ओकिनावा स्कुरको मूल्य, यस्तो छ नयाँ मूल्य सूची

इलेक्ट्रिक स्कुटर ओकिनावाको नयाँ मूल्य सूची सार्वजनिक भएको छ । उक्त सूचीमा नयाँ स्कुटर ओखी ९० को समेत मूल्य सामेल गरिएको छ । यो स्कुटर हालसालै नेपाल भित्रिएको हो । आधिकारिक वितरक एचएसी इन्टरनेश्नलले सार्वजनिक गरेको नयाँ मूल्य सूची अनुसार यसको एउटै स्कुटरमा ३५ हजार रुपैयाँसम्मले मूल्य बृद्धि गरिएको छ ।

सवैभन्दा बढी आई प्रेज प्लस र प्रेज प्रोमा ३५ हजार रुपैयाँले बृद्धि गरिएको छ । यी स्कुटरलाई यसअघी क्रमश ३ लाख ४० हजार र २ लाख ६० हजारमा बिक्री गरिँदै आएकोमा नयाँ मूल्य ३ लाख ७५ हजार र २ लाख ९५ हाजार रुपैँया पुर्याइएको छ । यसैगरी अर्को मोडल रिज प्लसमा २० हजार र आर ३० तथा लाइटमा मा १५ हजार रुपैयाँका दरले बृद्धि गरिएको छ ।

कम्पनीले यसअघि रिज प्लसलाई २ लाख ३० हजारमा बिक्री गर्दै आएकोमा नयाँ मूल्य २ लाख ५० हजार पुर्याइएको छ भने १ लाख ७० हजारमा विक्री हुँदै आएको आर३० को १ लाख ८५ हजार र १ लाख ८० पर्ने लाइटको १ लाख ९५ हजार निर्धारण गरिएको छ ।

केहीसमय अघिमात्र नेपाल भित्रिएको ओखी ९० को मूल्य ४ लाख निर्धारण गरिएको छ भने अर्को नयाँ मोडल डुअलको २ लाख २५ हजार तोकिएको छ । ओकिनावा नेपाली बजारमा सर्बाधिक बिक्री हुने इलेक्ट्रिक टु ह्विलर ब्रान्ड मध्येमा पर्छ ।