जनवरीमा आधिकारिक नाम सार्वजनिक हुँदैछ स्कोडा भिजन इन कन्सेप्टको

स्कोडाले गत वर्ष अटो एक्सपोमा सार्वजनिक गरेको भिजन आईएन अर्थात भिजन इन कन्सेप्टको वास्तविक नाम आगामी २०२१ जनवरीमा सार्वजनिक गर्ने भएको छ । सो कम्प्याक्ट एसयूभीलाई आगामी मार्चमा सार्वजनिक गरिने छ ।

सो एसयूभी भारतमै तयार गरिएको फक्सवागन ग्रुपको एमक्यूबी एओ इन मोडुलर प्लेटफर्ममा विकसित गरिने छ ।

स्कोडाले भिजन आईएनलाई प्रिमियम प्रडक्टका रुपमा पोजिसन गर्ने लक्ष्य राखेको छ त्यसैले यसमा धेरै अप–टु–डेट फिचर हुने अनुमान गर्न सकिन्छ । यसको टीएफटी इन्स्ट्रयुमेन्ट कन्सोलले यसलाई प्रतिस्पर्धीलाई भन्दा आकर्षक बनाउनेछ । साथै यसमा अटोमेटिक क्लाइमेट कन्ट्रोल, स्टेट अफ द आर्ट कनेक्टिभिटी फिचर, मल्टिपल एअरब्याग, एबीएस, इबीडी, अलोय ह्विल, एलईडी हेडलाइट जस्ता फिचर हुनेछन् ।

स्कोडा भिजन आईएनमा १.५ लिटरको टर्बोचार्ज्ड पेट्रोल इन्जिन हुनेछ जसले १५० एचपी पावर उत्पन्न गर्नेछ । र यो म्यानुअल र डीएसजी अटोमेटिक ट्रान्समिसन दुवैमा उपलब्ध हुने अनुमान छ । यो एसयूभी मात्र ९ सेकेन्डमा शून्यबाट १०० किलोमिटर प्रति घन्टाको रफ्तारमा दौडन सक्नेछ । 

भिजन आईएन एसयूभी अहिले बजारमा लोकप्रिय उत्पादन हुन्डाई क्रेटा र किया सेल्टोसप्रति स्कोडाको जवाफ हुन सक्ने अनुमान गरिएको छ ।