एनवाईईएफ मोटर -यालीमा स्काइवेल ईटी५ मुख्य प्रायोजक

विराटनगर – नेप्लिज योङ आन्टरप्रेनर फोरम (एनवाईईएफ) को आयोजनामा विराटनगर देखि साँखेजुङ सम्मका लागि मोटर -याली प्रस्थान गरेको छ । कोशी प्रदेशका पर्यटन, वन तथा वातावरण मन्त्री गणेश प्रसाद उप्रेतीद्वारा उद्घाटन गरिएको सो मोटर -यालीको मुख्य प्रायोजक स्काइवेल ईटी५ ईभी रहेको छ ।

करिव २५ कार सहभागी सो मोटर -याली विराटनगर देखि इटहरी, धरान, फिदिम बजार हुँदै साँखेजुङ पुग्ने छ भने फर्किदा कन्याम, चारआली, विर्तामोड, दमक, इटहरी हुँदै विराटनगर पुग्ने छ ।

एनवाईईएफ विराटनगर, सुनसरी र झापा च्याप्टरले सो -यालीका लागि आवश्यक व्यवस्थापन गरेका छन् ।

मोटर -यालीमार्फत कोशी प्रदेशको पर्यटन प्रवर्धन गर्ने लक्ष्य लिइएको सो -यालीमा नेपालमै सबैभन्दा बढी रेन्ज दिने दावी गरिएको विद्युतीय कार स्काइवेल ईटी५ समेत सहभागी भएर नयाँ अध्याय थपिएको स्काइवेलको आधिकारिक वितरक जी मोटर्सका म्यानेजिङ डाइरेक्टर कैलाशबाबु गेलालले बताए ।

स्काईवेल ईटी५ केही दिन पहिले मात्र नेपाल भित्रिएको हो । स्काइवेल ईटी५ मा ८५.९ किलोवाट आवरको ब्याट्री प्याक रहेको छ । यसममा १५० किलोवाट क्षमताको विद्युतीय मोटर रहेको छ । यसको मूल्य १ करोड ९ लाख रुपैयाँ हुने जानकारी पहिल्यै सार्वजनिक भइसकेको छ ।

सो एसयूभी विशेष गरि इन्टेलिजेन्ट स्टाइलिङ, इन्टेलिजेन्ट इन्जोइमेन्ट, इन्टेलिजेन्ट कनेक्टिभिटी, इन्टेलिजेन्ट ड्राइभिङ, इन्टेलिजेन्ट सेक्युरिटी, इन्टेलिजेन्ट इलेक्ट्रोनिक र इन्टेलिजेन्ट जोयमा आधारित रहेर प्योर ईभी प्ल्याटफर्ममा बनेको हो।