यसरी भयो यी लक्जरी कार निर्माता कम्पनीको नामाकरण

करोडौं मूल्य र नयाँ प्रविधिका गाडीहरूको बारेमा सुन्नुभएकै होला । तर के तपाईंले कहिल्यै सोच्नुभएको छ यी लक्जरी कार निर्माण गर्ने कम्पनीको नाम कसरी भयो ? आउनुहोस् यी लक्जरी कार निर्माण गर्ने कम्पनीहरूको नाम कसरी रहन गयो भन्ने बारेमा चर्चा गरौं ।

अमेरिकी लक्जरी कार निर्माता कम्पनी एस्टन मार्टिनको नाम वास्तवमा व्यक्तिको नामबाट राखिएको हो । वास्तवमा एस्टन र मार्टिन दुई व्यक्तिको नाम हो । सन् १९१४ मा लियोनेल मार्टिन र एस्टन हिलले एस्टन मार्टिन कम्पनीको स्थापना गरेका थिए । उनीहरुले आफ्नो नामबाट कम्पनीको नाम राखेका थिए ।

गति, लुक र लक्जरीको लागि परिचित कार फरारीको नाम एक रेस कार चालक द्वारा स्थापित गरिएको हो । प्रसिद्ध एफ१ रेसर एनजो फरारीले कार कम्पनी स्थापना गर्न १९३९ मा रेसिङ छोडेर आफ्नै नाममा फरारी कम्पनी स्थापना गरेका थिए ।

रोल्स रोयस वास्तवमा दुई व्यक्तिको संयुक्त नाम हो । यो नाम पनि यस कम्पनीका संस्थापक हेनरी रोयस र चार्ल्स रोल्सको नाममा राखिएको हो ।

जर्मन कम्पनी बीएमडब्ल्युले पहिला प्लेन निर्माण र मर्मत गर्ने गर्दथ्यो । त्यतिबेला सो कम्पनीको नाम बीएडब्ल्यु थियो । पछि यो कम्पनीले कार निर्माण गर्न थाल्यो र यसको नाम परिवर्तन गरी बीएमडब्ल्यु अर्थात् बवेरियन मोटर वर्कस राखियो ।

ड्याट्सन कम्पनीको नाम पहिले ड्याट्सन नभएर ड्याट थियो । यो कार कम्पनी केन्जिरो डेन, रोकोरु ओयामा र मेइतारो ताकेची नामक ३ जनाले सुरु गरेका थिए । यी तीनै जनाबाट कम्पनीको नाम ड्याट राखिएको थियो । पछि यो कम्पनी निसानले किन्यो र निसान नामलाई पनि जोडी ड्याटसन राखियो ।

अमेरिकी कम्पनी फोर्डको नाम यस कम्पनीका संस्थापक हेनरी फोर्डको नाममा राखिएको हो । कम्पनीले त्यसपछि केही काम गरेको छैन ।