२०७८ असार ७ सोमबार,

यसकारण सार्वजनिक भएन नेपालमै लोकप्रिय महिन्द्रा ईटुओको नयाँ मूल्य सूची

काठमाडौं – नेपाली बजारमा केही दिन यता इलेक्ट्रिक कारहरुको नयाँ मूल्य सूची सार्वजनिक गर्ने लहर नै चल्यो । हुन्डाई कोना, एमजी ईजेडएस, किया निरो, डेरी ईभी७ र ईएम७ तथा दीगो ई८ जस्ता इलेक्ट्रिक कारहरुको नयाँ मूल्य सूची सार्वजनिक भइसकेको छ ।

बजेट पश्चात अन्तःशुल्क पुरै खारेज गरिनुका साथै भन्सार दर पनि ४० प्रतिशत सम्म मात्र गरिए पछि अटोमोबाइल आयातकर्ता कम्पनीहरुले प्रशस्तै मात्रामा मूल्य घटाएका छन् । यस्तो अवस्थामा एउटै गाडीको मूल्यम २३ लाख रुपैयाँ सम्म गिरावट आएको छ ।

यो अवस्थामा नेपाली बजारमा पहिले देखि नै लोकप्रिय रहेको र नेपाली सडकमा धेरै संख्यामा गुडेको महिन्द्रा ईटुओ (e2O) इलेक्ट्रिक गाडीको नयाँ मूल्य सूची भने सार्वजनिक गरिएको छैन । धेरैले चासोपूर्वक हेरेको महिन्द्राको ईटुओ वा ईटुओ प्लस मोडल नेपालमा सर्बाधिक लोकप्रिय इलेक्ट्रिक कार मानिन्छ ।

गत मंसिर महिनामा नयाँ अर्थमन्त्रीको रुपमा विष्णुप्रसाद पौडेल आएर करको दरमा परिमार्जन गरे पश्चात महिन्द्राको पी४ मोडलको मूल्य २९ लाख २५ हजार रुपैयाँ तोकिएको थियो । यो भन्दा पहिले असार मसान्तमा पुरानै २२ लाख ६५ हजार रुपैयाँ मूल्यमा यो गाडी ग्राहकलाई हस्तान्तरण गरिएको थियो ।

बजेट भन्दा पहिले यो मोडलको मूल्य २२ लाख ६५ हजार रुपैयाँ थियो । तत्कालीन अर्थमन्त्री डा। युवराज खतिवडाले यसअघि १० प्रतिशत मात्रै भन्सार लाग्दै आएकोमा बजेटमार्फत भन्सार बढाएर ८० प्रतिशतसम्म पु¥याएका थिए । यसअघि विद्युतीय सवारीसाधनमा अन्तःशुल्क लाग्दैनथ्यो, तर उनले यस्ता गाडीमा पनि ८० प्रतिशतसम्म अन्तःशुल्क लगाएका थिए । सडक निर्माण दस्तुर यसअघि ४ प्रतिशत लाग्दै आएकोमा ५ प्रतिशत पु¥याएका थिए ।

भारतमा महिन्द्राको प्लान्ट कोभिडका कारण हाल बन्द छ । त्यसैगरी महिन्द्राले आगामी दिनमा ईटुओ प्लस जस्ता गाडीको उत्पादन पनि कतिपय बजारका लागि बन्द गर्ने घोषणा गरिसकेको छ । नेपाली बजारमा अब यी गाडी स्टकमा पनि उपलब्ध छैनन् । यी सबैका कारण हाल महिन्द्राका इलेक्ट्रिक गाडीको मूल्य सूची सार्वजनिक नगरिएको महिन्द्राको नेपालका लागि आधिकारिक वितरक अग्नि इनर्जीका सिनियर म्यानेजर प्रमोद भण्डारीले जानकारी दिए । उत्पादन भएर नेपाली बजारमा आउने पक्का भए पछि मात्र अग्नि इनर्जीले नयाँ मूल्य सूची सार्वजनिक गर्नेछ ।

इटुओ नेपाली बजारमा अत्यधिक मात्रामा रुचाइएको इलेक्ट्रिक कार हो । सानो आकारको यो कारलाई फुच्चे कारको नामले समेत चिन्ने गरिन्छ । हेर्दा सानो देखिए पनि यसमा उपलव्ध फिचर भने अत्याधुनिक एवं सुबिधासम्पन्न छ । पावर, पर्फमेन्स र फिचरका कारण इटुओले इलेक्ट्रिक कार पारखीहरुको बिश्वास जित्न सफल भएको भण्डारी बताउँछन् ।

सम्बन्धित समाचारहरू

विद्युतीय गाडी प्रयोगलाई व्यापक बनाउनु पूर्व ध्यान दिनु पर्ने प्राविधिक पक्ष – एक तर्क

विद्युतीय गाडी प्रयोगलाई व्यापक बनाउनु पूर्व ध्यान दिनु पर्ने प्राविधिक पक्ष – एक तर्क

आज विश्व वातावरण दिवस । सो अवसरमा विद्युतीय सवारीको विषयमा चर्चा गर्नु...

गोविन्द भट्टराईको विचार : ई–भेइकल निकट भविष्य होइन, सुदूर भविष्य हो

गोविन्द भट्टराईको विचार : ई–भेइकल निकट भविष्य होइन, सुदूर भविष्य हो

आजको मुख्य वातावरणीय मुद्दा र समाधान पनि हो विद्युतीय सवारी साधन अर्थात...

२४० किमी रेन्ज दिने स्कुटर ल्याउदै छ नयाँ कम्पनी सिम्पल इनर्जीले

२४० किमी रेन्ज दिने स्कुटर ल्याउदै छ नयाँ कम्पनी सिम्पल इनर्जीले

सिम्पल इनर्जी भारतमा पहिलो इलेक्ट्रिक स्कुटर लन्च गर्ने तयारी अवस्थामा...

लोकप्रिय

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

काठमाडौं – नेपाली बजारमा दीगो ब्रान्डका इलेक्ट्रिक कार उपलब्ध गराइरहेको...