इम्बोस्ड नम्बर प्लेट जडानको सुविधा तीन दिनका लागि बन्द हुने

काठमाडौं – यातायात व्यवस्था विभागले इम्बोस्ड नम्बर प्लेट जडानको सुविधा तीन दिनका लागि बन्द गर्ने भएको छ ।

विभागले एक सूचना जारी गर्दै सर्भरमा विद्युत आपूर्ति प्रणाली युपीएस मर्मत गर्नुपर्ने भन्दै मंसिर ९ देखि ११ गतेसम्म इम्बोस्ड नम्बर प्लेट जडान सविधा बन्द हुने जानकारी दिएको हो ।

भोलिदेखि तीन दिन अब इम्बोस्ड नम्बर प्लेट जडानको अनलाइन प्रणाली बन्द हुनेछ ।

यसका साथै यातायात कार्यालयबाट प्रदान गरिने सेवाहरु समेत यो अवधिभर अवरुद्ध हुने विभागले जनाएको छ ।