भारतमा लन्च भयो निसान एक्स-ट्रेल एसयूभी, यस्तो छ विशेषता

निसानले भारतीय बजारमा फुल साइज एसयूभी सेगमेन्टमा नयाँ एसयूभी एक्स-ट्रेल लन्च गरेको छ ।

एक्स-ट्रेलमा धेरै उत्कृष्ट सुविधा दिइएको छ । यसमा प्यानोरामिक सनरुफ, ८ इन्चको इन्फोटेनमेन्ट सिस्टम, १२.३ इन्चको डिजिटल इन्स्ट्रयुमेन्ट क्लस्टर, ३६० डिग्री क्यामेरा, एन्ड्रोइड अटो, एप्पल कार प्ले, ड्युअल जोन क्लाइमेट कन्ट्रोल, २० इन्चको अलोय ह्विल, ७ एयरब्याग, २१० एमएम ग्राउन्ड क्लियरेन्स, एलईडी लाइट र वायरलेस चार्जर जस्ता फिचर प्रदान गरिएको छ ।

सो एसयूभीमा १.५ लिटर क्षमताको ३ सिलिन्डर टर्बो पेट्रोल इन्जिन जडान गरिएको छ । यसमा सीभीटी गियरबक्स उपलब्ध छ । सो एसयूभीले १६१ हर्स पावर र ३०० एनएम टर्क जेनेरेट गर्छ । यसमा १.५ लिटर इन्जिनसँगै माइल्ड हाइब्रिड प्रविधि पनि समावेश छ ।

निसानले ४९ लाख ९२ हजार भारु मूल्यमा एक्स-ट्रेल एसयूभी लन्च गरेको हो । यसलाई भारतमा सीबीयूको रूपमा एउटा मात्र भेरिएन्ट ल्याइएको छ । एसयूभीको लागि बुकिङ जुलाई २६ देखि सुरु भइसकेको छ ।

निसानको एक्स-ट्रेल फुल साइज एसयूभीले भारतीय बजारमा टोयोटा फर्च्युनर, एमजी ग्लोस्टर, जीप मेरिडियन र स्कोडा कुशाकसँग प्रतिस्पर्धा गर्नेछ ।