जनवरी २ सम्म ‘निसान विक’, निसान किक्समा २.५० लाख छुट र अन्य सुविधा

काठमाडौं – क्रिसमस र नयाँ वर्ष २०२२ को अवसरमा निसानको नेपालका लागि आधिकारिक वितरक पायोनियर मोटोकर्पले ‘निसान विक’ आयोजना गरेको छ । हिजो देखि शुरु भएको निसान विक आगामी जनवरी २ सम्म चल्ने छ ।

निसान विकको अवसरमा निसानको नेपाली बजारमा उपलब्ध कम्प्याक्ट एसयूभी किक्सको खरिदमा २ लाख ५० हजार सम्मको छुट पाउन सकिने छ ।

यसका साथै निसानले स्पट एक्सचेन्ज र भ्यालुएसनको सुविधा पनि उपलब्ध गराएको छ । यो अवधिभर देशभरका निसान सोरुममा टेस्ट ड्राइभ गर्ने ग्राहकमध्ये एक जनालाई लक्की ड्रमार्फत रेडमी १० प्राइम प्रदान गरिने छ ।

हरेक ग्राहकले एक वर्षको निःशुल्क बिमा, एक वर्षको निःशुल्क सडक कर, तीन वर्षको निःशुल्क सर्भिसिङ र तीन वर्षको वारेन्टी पाउने छन् । यी वाहेक लोयल्टी बोनस र अन्य अफरहरुको लाभ समेत उठाउन सकिने पायोनियर मोटोकर्पले जनाएको छ ।

निसानका देशभर रहेका सोरुमहरुमा यो विक चल्ने र अफर समेत सबैमा लागू हुने बताइएको छ ।