निसान म्याग्नाइटको मूल्य ३ प्रतिशत बृद्धि हुँदै, नेपालमा कति ?

काठमाडौं– जापनिज अटो निर्माता निसानले जनवरी १, २०२६ देखी भारतीय बजारमा म्याग्नाइटको मूल्य ३ प्रतिशतले बृद्धि गर्ने घोषणा गरेको छ ।

म्याग्नाइट हाल भारतमा बिक्रीमा रहेको ब्रान्डको एक मात्र मोडेल हो । यसको मूल्य ५ लाख ६२ हजार भारु निर्धारण गरिएकोमा ३२ हजार भारु हाराहारीले बढ्ने अनुमान गरिएको छ ।

निसानले २०२६ मा दुई नयाँ एसयूभी लन्च गर्ने तयारी गरिरहेको छ, जसको सुरुवात रेनो ट्राइबरमा आधारित बी–सेगमेन्ट एसयूभी ग्राभाइटबाट हुनेछ । ग्राभाइटलाई निसानले अर्को महिना लन्च गर्ने योजना बनाएको छ ।

त्यसैगरी, फेब्रुअरीमा ५ सिटर मिडसाइज एसयूभी टेकटन डेब्यू हुनेछ । सो नयाँ एसयूभीले हुन्डाई क्रेटा, किया सेल्टोस, मारुति भिक्टोरिस र टाटा कर्भ जस्ता कारहरूसँग प्रतिस्पर्धा गर्नेछ । टेकटनलाई कम्पनीले आगामी रेनो डस्टरको प्लेटफर्म सेयर गरी उत्पादन गर्न लागेको हो । सो नयाँ एसयूभी ७ सिटर संस्करण समेत उपलब्ध हुने अनुमान गरिएके छ ।

भारतीय बजारमा हुने मूल्य बृद्धिले म्याग्नाइटलाई नेपाली बजारमा समते प्रभाव पर्नेछ । भारतमा ३२ हजार भारु बृद्धि हुँदा नेृपालमा १ लाख ५० हजार रुपैयाँसम्मले महंगो पर्ने अनुमान गर्न सकिन्छ ।