निसान टेक्टन चाँडै भारतमा लन्च हुँदै, दमदार डिजाइन र अत्याधुनिक सुविधासहित आउने तयारी

निसान मोटर इन्डियाले आफ्नो नयाँ एसयूभी निसान टेक्टन सी भारतीय बजारमा लन्च गर्ने तयारी गरेको छ। कम्पनीले यसको औपचारिक घोषणा गरिसकेको छ र हाल भारतका विभिन्न सहरमा यसलाई परीक्षण गरिएको छ । सो मोडलले हुन्डाई क्रेटा, किया सेल्टोस, सुजुकी ग्रान्ड भिटारा, अर्बन क्रुजर, एलिभेट, एस्टर, कुशाक, ताइगुन, एयरक्रस र बासाल्ट जस्ता लोकप्रिय सी-सेगमेन्ट एसयूभीसँग प्रतिस्पर्धा गर्नेछ।

निसान टेक्टनलाई बक्सी र अपराइट लुकसहित डिजाइन गरिएको छ ।  यसको क्ल्यामशेल बोनट, फराकिलो रियर ह्विल आर्च, मस्कुलर बडी क्ल्याडिङ, कनेक्टेड एलईडी डीआरएल र टेललाइट तथा क्रोम ग्रिल हाइलाइटले यसको डिजाइनलाई थप आकर्षक बनाएको छ । सो एसयूभीमा २२५ सेक्शन टायर सहित १८-इन्चको अलोय ह्विल जडान गरिनेछ । लोअर भेरिएन्टमा पनि १७-इन्चको स्टील ह्विल र समान टायर साइज उपलब्ध हुनेछ।

निसान टेक्टनको इन्टेरियर अत्यन्तै प्रिमियम बनाइएको छ । यसमा ठुलो इन्फोटेनमेन्ट टचस्क्रिन, फुल डिजिटल इन्स्ट्रयुमेन्ट क्लस्टर, स्टेयरिङ-माउन्टेड अडियो र क्रुज कन्ट्रोल जस्ता सुविधा हुनेछ ।  निसान टेक्टन रेनो-निसानको साझा सीएमएफ-बी प्लेटफर्ममा आधारित हुनेछ। यसमा पेट्रोल र बलियो हाइब्रिड इन्जिन दुवै विकल्प उपलब्ध हुनेछ । यसको टप भेरिएन्टमा अल ह्विल ड्राइभ सिस्टम पनि दिइनेछ ।

कम्पनीले भविष्यमा निसान टेक्टनको ७ सीटर संस्करण पनि ल्याउने योजना बनाइरहेको छ, जसले हुन्डाई अल्काजार र किया क्यारेन्स जस्ता एसयूभीसँग प्रतिस्पर्धा गर्नेछ। यो रेनो डस्टरको बोरियल प्लेटफर्ममा आधारित हुनेछ र ६-सीटर क्याप्टेन सिट विकल्प पनि प्रस्ताव गरिने सम्भावना छ।

निसान मोटर इन्डियाले आफ्नो सी-सेगमेन्ट एसयूभी लाइनअपलाई पुनः परिभाषित गर्ने उद्देश्यले टेक्टनलाई २०२६ मा बजारमा उतार्ने तयारी गरेको छ। सोही वर्ष रेनो डस्टरको नयाँ पुस्ता पनि लन्च हुनेछ। त्यसपछि एक वर्षभित्र टेक्टनको ७-सीटर संस्करण आउने अपेक्षा गरिएको छ।