निसानको ‘प्रि–विन्टर सर्भिस क्याम्प’ सुरु, के–के छन् आकर्षण ?

काठमाडौं– निसान गाडीको नेपालका लागि आधिकारिक वितरक पायोनियर मोटो कर्पले निसानको ‘ह्याप्पि विद निसान’ सर्भिस अभियानलाई नेपालमा पनि निरन्तरता दिँदै निसानका गाडीहरूको लागि ३ दिने ‘प्रि–विन्टर सर्भिस क्याम्प’ सुरु गरेको छ । नजिकिँदै गरेको वर्षा ऋतु तथा विन्टरको अवसरमा यो विशेष सर्भिस क्याम्प ल्याइएको हो ।

यो क्याम्प मंसिर ३ गतेदेखि ५ गतेसम्म खुमलटारस्थित निशान शोरुममा सञ्चालन भइरहेको छ । ‘प्रि–विन्टर सर्भिस क्याम्प’ अन्तर्गत ग्राहकले निसान गाडीको चेक–अप तथा सर्भिसिङ गर्दा ७ आकर्षक लाभ तथा सुविधा लिन सक्नेछन् ।

यी सुविधाअन्तर्गत ग्राहकहरूले ‘टप वास’ निःशुल्क प्राप्त गर्ने छन् भने लेबर चार्जमा सत् प्रतिशतसम्म छुट (सर्भिसिङमा १०० प्रतिशत छुट, ब्रेक प्याड र ब्रेक सु परिवर्तन गर्दा १०० प्रतिशत छुट, सस्पेन्सन, क्लच, र अन्य पाटपूर्जा आदि परिवर्तन गर्दा ५० प्रतिशत छुट) प्राप्त गर्नेछन् । त्यस्तै निसानको ब्रान्डेड एक्सेसरिजहरूमा २० प्रतिशत छुट पाइनेछ भने १५ प्रतिशत छुट मा ‘बडि सप जब्स’ सुविधा र लुब्रिकेन्टमा १० प्रतिशत छुट प्राप्त गर्न सकिनेछ ।

कम्पनिका अनुसार, यो योजना ग्राहकका निसान गाडीको विशेष छुटका साथ चेक–अप तथा सर्भिसिङ गर्ने अवसर हो । यस क्याम्पअन्तर्गतका सुविधामा केही सर्त लागू हुनेछन् । पायोनियर मोटो कर्पले यस योजना अवधिभर दिइने विभिन्न निःशुल्क सुविधाले ग्राहकलाई विन्टरको लागि तयार रहन मद्दत गर्ने र ग्राहकको गाडी स्वामित्व अनुभवमा सहजता थप्ने विश्वास राखेको बताएको छ ।

कम्पनीले सबै ग्राहकलाई आफ्नो नजिकको चेकपोइन्टमा गएर छुट तथा सुविधाबाट लाभान्वित हुन आह्वान गरेको छ ।