म्याग्नाइटलाई ७ सिटर एमपिभीमा उतार्ने निशानको तयारी

निशानले आफ्नो लोकप्रिय सब फोर मिटर एसयुभी म्याग्नाइटलाई ७ सिटर एमपिभीमा उतार्ने तयारी थालेको छ । हाल कारोबार भैरहेको म्याग्नाइटमा तेस्रो लहर थप गरेर उसले यो एसयुभीलाई ७ सिटरमा उतार्ने तयारी गरेको हो । कार्गो एरियामा बेन्च सिटमात्र थप गर्न लागिएको यसको लुक्स तथा डिजाइनदेखी इन्जिन र पावरट्रेनमा भने कुनै परिवर्तन नहुने जनाइएको छ ।

तेस्रो लहरमा २ वटा सिट थप भएपनि चालकले आफ्नो आबश्यकता अनुसार ती सिटलाई फोल्ड गरेर लगेज राख्न भने मिल्नेछ । उक्त लहरमा जानका लागी यसको दोस्रो लहरको सिटलाई स्प्लिट फोल्ड सहित मोडिफाइ गरिने जनाइएको छ ।

हाल कारोबार भैरहेको एसयुभीमा २ वटा सिट मात्र थप हुने भएपछि यसको मूल्य समेत अन्य ७ सिटरको तुलनामा कम पर्ने आँकलन गरिएको छ । यो एमपिभी बजारमा आइसकेपछि यसले रेनो ट्राइबरको बजार खोस्न सक्ने अनुमान लगाइएको छ ।