ग्रेभाइट नाममा आउने भयो निसानको नयाँ एमपिभी

निसानले भारतमा लन्च गर्ने तयारी गरेको आफ्नो नयाँ बी–सेगमेन्ट एसयूभीको नाम ग्रेभाइट राख्ने घोषणा गरेको छ । जनवरी २०२६ मा सार्बजनिक गरिने उक्त एसयूभीलाई कम्पनीले मार्च महिनादेखी बिक्री थाल्नो योजना बनाएको छ ।

निसानको आफ्नै सीएमएफ–ए प्लेटफर्ममा आधारित ग्रेभाईट रेनो ट्राइबरजस्तै ४ मिटरभन्दा कमको एमपिभी हो, जसमा ७ जनाले यात्रा गर्न सक्नेछन् । नाम सार्बजनिकसंगै निसानले नयाँ ग्रेभाइटको केही डिजाइन विवरणहरू बाहिर ल्याएको छ ।

एसयूभीमा फराकिलो हेक्सागोनल ग्रिल रहेको छ, जसमा ग्लस कालो फिनिश देखिन्छ । ग्रेभाईटको फ्रन्ट लुक्स ¥यापराउन्ड हेडल्याम्पहरूको सेटले घेरिएको छ जसमा एकीकृत एलईडी डिआरएल र केन्द्रमा क्रोम गार्निश दिइएको छ । बोनेटमा ’ग्रेभाइट’ अक्षरलाई प्रष्टसंग देख्न सकिन्छ ।

ग्रेभाइटको पछाडी स्लिक जे आकारको ब्रेक लाइट र केन्द्रमा क्रोम बारको साथ स्पष्ट लेन्स टेललाइट राखिएका छन् । सिल्भर रङको सी–सेप इन्सर्टले पछाडीको वम्परलाई एकदमै आकर्षक देखाएको छ ।

नयाँ ग्रेभाइटलाई पावर दिने इन्जिनका बारेमा मौन देखिएको निसानले अन्ततः उहि पुरानै १.० लिटर, ३ सिलिन्डर पेट्रोल इन्जिन सेटअपलाई निरन्तरता दिने अनुमान गरिएको छ । जुन ५–स्पीड म्यानुअल र ५–स्पीड एएमटीसँग जोडिएको हुनेछ ।