निसान नभारा पिकअपको नयाँ एडिसन नभारा प्रो फोरएक्स भोलि नेपालमा लन्च हुँदै

काठमाडौं – निसानको नेपालका लागि आधिकारिक वितरक पायोनियर मोटोकर्पले निसान नभारा पिकअपको नयाँ एडिसन ‘नभारा प्रो फोरएक्स’ भोलि नेपालमा लन्च गर्दैछ ।

नेपाली बजारमा पहिले देखि नै यो पिकअप उपलब्ध भए पनि अब यसको नयाँ संस्करण आउन लागेको हो । अल–न्यु निसान नभारामा निसानको इन्टेलिजेन्ट मोबिलिटी फिचर र सेफ्टी सिस्टमलगायतका विभिन्न बेस्ट–इन–क्लास टेक्नोलोजी रहेका छन्, जसले नभारालाई अझै एड्भान्स्ड बनाएको कम्पनीको भनाइ छ ।

निसानका अन्य मोडल जस्तै पिकअप समेत निकै नै उपयोगी र गुणस्तरीय मानिन्छन् । विभिन्न भेरिएन्टमा उपलब्ध हुने नभाराको मूल्य र अन्य थप जानकारी भोलि नै सार्वजनिक गरिने पायोनियर मोटोकर्पले जनाएको छ ।

निसान नेपालको फेसबुक पेज र विभिन्न सामाजिक सञ्जालमा टिजर भिडियो समेत केही दिन पहिले नै सार्वजनिक गरिएको छ ।