निसान म्याग्नाइटको मूल्य नेपालमा पनि बढ्ने सम्भावना

नेपाली बजारमा पछिल्लो समयमा लोकप्रिय मोडलको रुपमा चर्चामा रहेको निसान म्याग्नाइटको मूल्य बढ्ने संकेत देखिएको छ । निषेधाज्ञा भन्दा पहिले नै मूल्य बढ्ने सम्भावना भएको रिपोर्ट आइरहेको समयमा अब निषेधाज्ञा खुलेर बजार सुचारु भएमा यस वारेमा स्पष्ट हुनेछ ।

सवारी साधन निर्माणका लागि आवश्यक सेमी कन्डक्टरको अभाव हुनुका साथै विभिन्न अटो पार्ट्सको मूल्य बढ्दा निसान म्याग्नाइटको समेत मूल्य बढाउनु परेको कम्पनीको भनाइ छ । भारतीय बजारमा लन्च भए पश्चात तीन पटक निसान म्याग्नाइटको मूल्य बढिसकेको छ ।

यद्यपि नेपालका लागि निसान म्याग्नाइटको आधिकारिक वितरक पायोनियर मोटोकर्पले औपचारिक रुपमा यसको वारेमा केही जानकारी दिएको छैन । तर पनि अन्तर्राष्ट्रिय बजारको अवस्थाका आधारमा अब पक्कै पनि यसको मूल्य बढ्ने अनुमान गर्न सकिन्छ ।

गत फागुन महिनामा नेपाली बजारमा उपलब्ध निसान म्याग्नाइट दुई इन्जिन अप्सनमा उपलब्ध छ । सो एसयूभी विभिन्न ११ भेरिएन्टमा उपलब्ध छ । १.० लिटर नेचुरल्ली एस्पायर्ड इन्जिनमा ६ भेरिएन्ट र टर्बो इन्जिनमा ५ भेरिएन्ट उपलब्ध छ । पहिलो १.० लिटर थ्री सिलिन्डर नेचुरल्ली एस्पिरेटेड इन्जिनले ७२ एचपी पावर र ९६ एनएम टर्क तथा अर्को टर्बो पेट्रोल इन्जिनले १०० एचपी पावर र १६० एनएम टर्क जेनेरेट गर्छ ।

यसको सुरुवाती भेरिएन्ट एक्सईको मूल्य २९ लाख ४९ हजार रुपैयाँ निर्धारण गरेको छ भने सबैभन्दा टप भेरिएन्ट टर्बो इन्जिन सहितको एक्सभी प्रिमियम ड्युअल टोनको मूल्य ४२ लाख ७९ हजार रुपैयाँ निर्धारण गरिएको छ ।