‘लेफ्ट–ह्यान्ड–ड्राइभ’ बजारमा निसान म्याग्नाइटको निर्यात सुरु

निसानले लेफ्ट ह्यान्ड ड्राइभ बजारमा मेड–इन–इन्डिया म्याग्नाइट निर्यात थालेको छ । २ हजार ९०० यूनिटको पहिलो ब्याच हालै चेन्नई नजिकैको कामराजर बन्दरगाहबाट पठाइएको कम्पनीले जनाएको छ ।

यो महिना, निसानले मध्य पूर्व, उत्तर अफ्रिका, ल्याटम र एशिया प्रशान्त क्षेत्रका बजारहरूमा नयाँ म्याग्नाइटको ७ हजार १०० यूनिट निर्यात गर्ने योजना बनाएको छ । कम्पनीले फेब्रुअरीको अन्त्यसम्ममा १० हजार भन्दा बढी यूनिट लेफ्ट ह्यान्ड ड्राइभ म्याग्नाइट निर्यात गर्नेछ ।

नयाँ म्याग्नाइट अब विश्वका ६५ भन्दा बढी बजारहरूमा उपलब्ध हुनेछ । यसमा दक्षिण अफ्रिका जस्ता राइट ह्यान्ड ड्राइभ बजारहरू पनि समावेश हुनेछन् ।

निसानले गत वर्ष अक्टोबरमा म्याग्नाइटको अपडेटेड भर्सन लन्च गरेको थियो । कम्प्याक्ट एसयूभीमा ७१ बीएचपी र ९६ एनएम उत्पादन गर्ने १.० लिटर पेट्रोल इन्जिन तथा ९९ बीएचपी र १६० एनएम पावर उत्पादन गने १.० लिटर टर्बो–पेट्रोल इन्जिन जडान गरिएको छ । यो ५–स्पीड म्यानुअल र ५–स्पीड एएमटी तथा सिभिटी ट्रान्समिसनमा उपलब्ध छ ।

नयाँ म्याग्नाईट नेपाली बजारमा समेत लन्च हुने तयारीमा छ ।