३ लाख रुपैयाँ सम्मले महंगो भयो निशान म्याग्नाइट

नीशानको सर्वाधिक लोकप्रिय सव फोर मिटर एसयूभी म्याग्नाइटको मूल्य नेपाली बजारमा ३ लाख रुपैयाँसम्मले बृद्धि भएको छ । नेपालका लागि आधिकारिक वितरक पायोनियर मोटो कर्पले नयाँ मूल्य सूची सार्वजनिक गर्दै यसवारे जानकारी दिएको हो ।

कम्पनीले विक्री गर्दै आएको ११ भेरिएन्टको मूल्य २ देखी ३ लाख रुपैयाँसम्मले वृद्धि गरिएको छ । जसमध्ये एक्सई वेस, एक्सएल मिड, एक्सभी अपर मोनो, एक्सभी अपर डुअल, एक्सभी प्रिमियम मोनो, एक्सभी प्रिमियम डुअल र एक्सएल मिड टर्वोमा २ लाख रुपैयाँले मूल्य बढाइएको छ भने एक्सभी अपर मोनो टर्वोमा ३ लाख रुपैयाँ बृद्धि भएको छ ।

यी भेरिएन्टको नयाँ मूल्य क्रमश ३३ लाख ९९ हजार, ३६ लाख ९९ हजार, ३९ लाख ९९ हजार, ४० लाख ३४ हजार, ४३ लाख ४९ हजार, ४३ लाख ८४ हजार, ४१ लाख ९९ हजार र ४५ लाख ९९ हजार निर्धारण गरिएको छ ।

अन्य भेरिएन्टमा एकभी अपर डुअल टर्वोमा २ लाख ९० हजार एक्सभी प्रिमिय मोनो टर्वोमा २ लाख ५० हजार र एक्सभी प्रिमियम डुअल टर्वोमा २ लाख ५० हजार बृद्धि भएको छ । यी भेरियन्टको मूल्य क्रमश ४६ लाख २४ हजार, ४८ लाख ४९ हजार र ४८ लाख ८४ हजार रुपैयाँ निर्धारण भएको छ ।