निसान म्याग्नाइटद्वारा ग्लोबल एनक्याप क्र्यास टेस्टमा ५ सेफ्टी स्टार हासिल

निसान इन्डियाले अक्टोबर २०२४ मा नयाँ निसान म्याग्नाइट लन्च गरेको थियो, जसमा धेरै सुधार र नयाँ सुविधाहरू समावेश थिए। अब सो मोडलले ग्लोबल एनक्यापको क्र्यास सेफ्टी रेटिङमा उत्कृष्ट फाइभ स्टार सुरक्षा मूल्याङ्कन प्राप्त गरेको छ।

पहिलेको म्याग्नाइटले फाेर स्टार सेफ्टी रेटिङ पाएको थियो, तर कम्पनीले यसलाई सुधार्न विभिन्न चरणमा क्र्यास परीक्षण गरायो। ग्लोबल एनक्यापले निसान म्याग्नाइटको क्र्यास टेस्ट तीन चरणमा गर्यो र तिनीलाई २ स्टार, ४ स्टार र ५ स्टार सुरक्षा मूल्याङ्कन दिइयो।

पहिलो चरणमा म्याग्नाइटले २ स्टार सुरक्षा रेटिङ प्राप्त गर्यो, जहाँ यसमा केवल २ एयरब्याग थिए र ईएससी जस्ता आधुनिक सुरक्षा सुविधा थिएन। वयस्क अक्युपेन्ट परीक्षणमा यसले २४.४९ अंक र बाल अक्युपेन्ट परीक्षणमा १८.३९ अंक प्राप्त गर्यो।

दोस्रो चरणमा फेसलिफ्ट गरिएको मोडल परीक्षणमा आएको थियो जसले ६ एयरब्याग र ईएसपी लगायत धेरै सुरक्षा सुविधा उपलब्ध गरायो। यसले ४ स्टार सुरक्षा रेटिङ पायो र वयस्क तथा बाल यात्रु परीक्षणमा क्रमशः २६.५१ र ३६ अंक हासिल गर्यो।

तेस्रो र अन्तिम चरणमा, निसानले सुधारिएको मोडल प्रस्तुत गर्यो जसले वयस्क यात्रु परीक्षणमा ३२.३१ अंक पाउँदै प्रतिष्ठित ५ स्टार सुरक्षा मूल्याङ्कन हासिल गर्यो। बाल यात्रु परीक्षणमा ३३.६४ अंक पाएपछि समग्रमा यो मोडलले ५ स्टार सुरक्षा रेटिङ पायो।

यस सफलताले निसान म्याग्नाइटलाई बजारमा सुरक्षित र भरोसायोग्य विकल्पको रूपमा स्थापित गरेको छ। उपभोक्ताहरूका लागि सो कार अब थप विश्वसनीय र सुरक्षात्मक प्रमाणित भएकाे कम्पनीकाे भनाइ छ ।