२०७८ असोज ९ शनिबार,

विश्वमा ५ लाख बढी बिक्री भइसकेको र सुरक्षित इलेक्ट्रिक कार टेस्ट ड्राइभ गर्ने अवसर आजदेखि

काठमाडौं – जापानी कार निर्माता कम्पनी निसानको विद्युतीय कार ’निसान लिफ’ अब काठमाडौँमा टेस्ट ड्राइभको लागि उपलब्ध भएको छ । नेपालमा निसान तथा ड्याट्सन् गाडीको आधिकारिक बिक्रेता पायोनियर मोटोकर्पले निसान लिफको टेस्ट ड्राइभ सुरुवात गर्न लागेको हो ।

आज भाद्र २८ गते देखि शुरु भएर आगामी असोज ४ गते सम्म चल्ने ’निसान लिफ टेस्ट ड्राइभ सप्ताह’ मा इच्छुक ग्राहकहरुले टेस्ट ड्राइभ गर्न सक्ने छन् । सो अवसरमा विभिन्न उपहार जित्नुका साथै एक्सचेन्ज सुविधा, पुराना गाडीको भ्यालुएसन सुविधा र आवश्यक फाइनान्स सुविधा पनि पाउने व्यवस्था मिलाएको कम्पनीले जानकारी दिएको छ ।

निसानको काठमाडौँको थापाथली तथा उत्तर ढोका शोरूममा बिहान १० बजे देखि उक्त सप्ताह सुरु हुनेछ ।

अहिलेको परिस्थितिमा निसानले एउटा वातावरण मैत्री सवारी साधनलाई नेपाल प्रबेश गराउनुलाई ग्राहकबर्गहरुले एउटा सराहनीय कदमको रुपमा लिएको कम्पनीले जनाएको छ ।

नेपाल भित्रिनु भन्दा पहिले नै यो गाडीको विश्वभर १० बर्षभन्दा बढी परीक्षण भैसकेको छ । यस अवधिमा विश्वमा ५ लाख भन्दा बढी निसान लिफ बिक्री भैसकेको छ भने निसान लिफले विश्वभर १२ अर्ब किलोमिटरको यात्रा तय गरिसकेको छ ।

निसान लिफ नेपालमा ११ आकर्षक रंगहरुमा उपलब्ध छ । यस गाडीको ४ ड्राइभिङ मोड तथा एबीएस, ईबीडी तथा बीए जस्ता विश्वस्तरिय सुरक्षा मापदण्डहरुले गर्दा विभिन्न प्रकारका सडकहरुमा प्रयोग गर्न सजिलो तथा सुरक्षित रहेको छ । यो सुरक्षा मापदण्डले विश्वव्यापी रुपमा निसान लिफमा मृत्यु हुनेको संख्या शून्य रहेको कम्पनीले जानकारी दिएको छ ।

निसान लिफको ब्याट्रीमा कम्पनीले ८ बर्षको वारेण्टी प्रदान गरिरहेको छ । निसान लिफ ४० किलोवाट आवर ब्याट्रीको साथमा उपलब्ध छ जसले ३११ किलोमिटर सम्मको दुरी तय गर्न सक्छ । यसको इलेक्ट्रिक मोटरले १५० पीएस पावर र ३२० एनएम टर्क जेनेरेट गर्छ ।

निसान लिफले ० देखि १०० किलोमिटर प्रतिघण्टाको स्पिड लिन ७.५ सेकेन्ड मात्र लगाउछ र यसको अधिकतम गति १४० किलोमिटर प्रतिघण्टा छ ।

नेपालमा एउटा अत्याधुनिक तथा वातावरणमैत्री सवारी साधन चलाउन इच्छुक ग्राहकको लागि कम्पनीले निसान लिफ भित्र्याएको बताएको छ । निसान लिफको मूल्य नेपाली बजारमा ५९ लाख ९९ हजार रुपैयाँ तोकिएको छ ।

सम्बन्धित समाचारहरू

घरमै पीसीआर टेस्ट गर्नका लागि साथी एप

घरमै पीसीआर टेस्ट गर्नका लागि साथी एप

काठमाडाैं – राइड सेयरिङ्ग एप साथीले कोरोना भाइरसको शंका भएका...

३ लाख ९८ हजार डाउन पेमेन्टमै इलेक्ट्रिक सोलार कार, मासिक किस्ता २५ हजार

३ लाख ९८ हजार डाउन पेमेन्टमै इलेक्ट्रिक सोलार कार, मासिक किस्ता २५ हजार

डेरी ईएम७ इलेक्ट्रिक र सोलार दुवैबाट चलाउन सकिने हाइब्रिड कार हो । नेपाली...

सरकारले विश्वका १० ठूला विद्युतीय कार उत्पादक कम्पनीलाई नेपाल ल्याउने

सरकारले विश्वका १० ठूला विद्युतीय कार उत्पादक कम्पनीलाई नेपाल ल्याउने

काठमाडौं – सरकारले विश्वका १० ठूला विद्युतीय कार उत्पादक कम्पनीलाई नेपाल...

लोकप्रिय

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

काठमाडौं – नेपाली बजारमा दीगो ब्रान्डका इलेक्ट्रिक कार उपलब्ध गराइरहेको...