अटो शोमा निसानको सेकेन्ड जेनेरेशन लीफ, यस्ता छन् फिचर

काठमाडौं– भृकुटीमण्डपमा जारी अटो शोमा निसानले तीनवटा नयाँ मोडल प्रदर्शनीमा राखेको छ । नेपालका लागि आधिकारिक वितरक पायोनियर मोटोकर्पले म्याग्नाइट एएमटी, सेकेन्ड जेनेरेशन लीफ र नभरा प्रो फोरएक्सको लाइफस्टायल एडिसनलाई मेलास्थलबाट सार्वजनिक गरेको हो ।

इलेक्ट्रिक कारले अवलोकनकर्ताको ध्यान आकृष्ट गरिरहेकोमा निसानको स्टलमा पनि लीफ ईभीले दर्शकको ध्यान केन्द्रित गरिरहेको छ । विगत केही वर्षयता नेपाली बजारमा बिक्री हुँदै आएको लीफ जापनिज ब्रान्डको प्रिमियम ईभी खरिद गर्न चाहनेहरुका लागी उपयुक्त विकल्प वन्दै आएको छ ।

मेलामा प्रदर्शनी गरिएको लीफ सेकेन्ड जेनेरेशनमा ४० किलोवाट आवरको लिथियम आयोन ब्याट्री जडान गरिएको छ । यसको ब्याट्रीलाई एकपटक फुल चार्ज गर्दा ३१० किलोमिटर रेन्ज दिने एनईडीसीले प्रमाणित गरेको छ । अल–इलेक्ट्रिक ई–पावरट्रेनले चल्ने यो ईभीको पिक पावर ११० किलोवाट र टर्क ३२० एनएम छ । यसलाई १४० किलोमिटर प्रतिघन्टाको उच्च गतीमा हाँक्न सकिन्छ ।

लीफमा पाइने ई–पेडलले चालकलाई एक्सेलेटरमा लगाईएको दबाब बढाएर वा घटाएर केवल एउटा पेडल प्रयोग गरी गाडी स्टार्ट गर्न, गति बढाउन, घटाउन र रोक्न सहज बनाउँदछ । जब एक्सेलेटर पूर्ण रूपमा रिलिज हुन्छ, रिजेनेरेटिभ ब्रेक र फ्रिक्सन ब्रेकले स्वचालित रूपमा कारलाई रोक्दछ । यसो हुँदा खुट्टा एक पेडलबाट अर्कोमा सार्ने आवश्यकता कम भई ड्राइभिङ सरल र थप सुविधाजनक हुन्छ । यो विशेषता शहर ट्राफिकको लागि निकै उपयुक्त छ ।

यसमा इन्टिलिजेन्ट ड्राइभिङ असिस्टेन्स जस्ता फिचरहरु पाउन सकिन्छ । जसले चालकहरूलाई ड्राइभिङ गर्दा थप आत्मविश्वास प्रदान गर्दछ । यी सुविधाहरूमा इन्टेलिजेन्ट क्रुज कन्ट्रोल, इन्टेलिजेन्ट अराउन्ड भ्यू मनिटर, हाई बीम असिस्ट र हिल स्टार्ट असिस्ट समावेश छन् ।

यसमा पाइने इन्टेलिजेन्ट इमर्जेन्सी ब्रेकिङ, इन्टेलिजेन्ट ड्राइभर अलर्टनेस, रियर क्रस ट्राफिक अलर्ट ब्लाइन्ड स्पट वार्निङ लेन डिपार्चर वार्निङ, इन्टेलिजेन्ट लेन इन्भेन्शन र इन्टेलिजेन्ट ट्रेस कन्ट्रोल जस्ता विशेषताले चालक र यात्रु दुवैको सुरक्षा सुनिश्चित गर्न मद्दत गर्दछ । निसान लिफमा डुअल–टोन बडी र यसको प्रतिष्ठित फ्लोटिङ रुफ सहितको आकर्षक डिजाइन छ । इभि ब्लु एक्सेन्ट र भी–मोसन ग्रिलले गाडीलाई आकर्षक देखाउन मद्धत गरेको छ । साथै, भित्र इन्टेरियरमा पाँच जनाको लागि पुग्ने फराकिलो सिट रहेको छ ।

निसानले यसमा भेइकल–टु–एभ्रीथिङ (भी२एक्स) प्रविधि दिएको छ । जसको साहयताले ब्याट्रीबाट विभिन्न प्रकारका घरयासी उपकरण प्रयोग गर्न वा पावर ग्रिडमा फिर्ता गर्न गर्न मिल्छ । यो कारमा कम्पनीले ३ वर्ष अर्थाता १ लाख किलोमिटर वरेन्टि दिएको छ भने ब्याट्रीमा ८ वर्ष अर्थात १ लाख ६० हजार किलोमिटर वारेन्टि पाउन सकिन्छ ।

सम्बन्धित समाचारहरू

बीवाईडीले ब्लेड ब्याट्रीसहित एट्टो २ मिनी इलेक्ट्रिक एसयूभी ल्याउने

बीवाईडीले ब्लेड ब्याट्रीसहित एट्टो २ मिनी इलेक्ट्रिक एसयूभी ल्याउने

चिनियाँ इलेक्ट्रिक कार निर्माता कम्पनी बीवाईडीले चाँडै नै भारतीय र केही...

साउनमा कति भित्रिए इलेक्ट्रिक र अन्य कार ?

साउनमा कति भित्रिए इलेक्ट्रिक र अन्य कार ?

काठमाडौं – नयाँ आर्थिक वर्षको प्रारम्भिक महिना साउनमा थोरै मात्र सवारी...

महावीर पुनको राष्ट्रिय आविष्कार केन्द्रले नेपालमै विद्युतीय बस बनाउने

महावीर पुनको राष्ट्रिय आविष्कार केन्द्रले नेपालमै विद्युतीय बस बनाउने

काठमाडौं – महावीर पुनको नेतृत्वमा संचालित राष्ट्रिय आविष्कार केन्द्रले...

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...