निसानले लन्च गर्दै नयाँ एसयूभी टेक्टन, टिजर सार्वजनिक

निसानले आफ्नो नयाँ एसयूभी टेक्टन लन्च गर्ने तयारी गरिरहेको छ । लन्च हुनुअघि नै कम्पनीले सामाजिक सञ्जालमार्फत यसको नयाँ टिजर सार्वजनिक गरेको छ, जसमा यस एसयूभीको अगाडिदेखि पछाडिसम्मको डिजाइन झल्किने गरी देखाइएको छ।

टिजरमा निसान टेक्टनको अगाडिको र पछाडिको भाग स्पष्ट रूपमा देख्न सकिन्छ। यो हालसम्म सार्वजनिक गरिएको सबैभन्दा स्पष्ट झलक मानिएको छ । टिजरले गाडीको समग्र आकार, लाइटिङ डिजाइन र ब्रान्डिङ एलिमेन्टहरूलाई प्रस्ट रूपमा प्रस्तुत गरेको छ।

डिजाइनको हिसाबले निसान टेक्टनलाई कम्पनीको एसयूभी निसान पेट्रोलबाट प्रेरित भएको देखिन्छ। अगाडिको भागमा क्रोम प्लेटेड ठुलो फ्रन्ट ग्रिल दिइएको छ, जससँग कनेक्टेड एलईडी लाइट जोडिएको छ । बोनट र अगाडिको भागमा टेक्सन ब्रान्डिङ स्पष्ट रूपमा देखिन्छ। साइड प्रोफाइलमा ठुला ह्विल आर्च, मल्टी-स्पोक अलोय ह्विल र बलियो एसयूभी लुक दिइएको छ। पछाडिको भागमा सी-आकारको कनेक्टेड टेललाइट, बीचमा निसान लोगो, तलतर्फ एम्बोस्ड टेक्सन ब्रान्डिङ र रियर स्पोइलर समावेश गरिएको छ।

निसान टेक्टनमा आधुनिक र प्रिमियम फिचर उपलब्ध हुने अपेक्षा गरिएको छ। यसमा एलईडी डीआरएल, एलईडी डाउनलाइट, कनेक्टेड एलईडी टेललाइट, ठुलो फ्रन्ट ग्रिलका साथै भित्री भागमा प्रिमियम इन्टेरियर दिइनेछ। साथै, ठुलो टचस्क्रिन इन्फोटेनमेन्ट सिस्टम, प्यानोरामिक सनरुफ र भेन्टिलेटेड सिटजस्ता सुविधाहरू पनि यस एसयूभीमा समावेश हुन सक्ने अनुमान गरिएको छ।

यसको लन्च मितिको विषयमा निसानले अहिलेसम्म आधिकारिक घोषणा गरेको छैन। तर रिपोर्टका अनुसार निसान टेक्टन फेब्रुअरीदेखि मार्चको बीचमा लन्च हुने सम्भावना रहेको छ। लन्चपछि यसले हुन्डाई क्रेटा, किया सेल्टोस, होन्डा एलिभेट, महिन्द्रा स्कोर्पियो र टाटा ह्यारियर जस्ता एसयूभीसँग प्रतिस्पर्धा गर्नेछ।