निसान किक्स एसयूभी किन्दा ४ लाख ३० हजारको बेनेली बाइक पाइने

काठमाडौं – निसानको नेपालका लागि आधिकारिक वितरक पायोनियर मोटोकर्पले निसान किक्स एसयूभी किन्ने ग्राहकका लागि आकर्षक अफर ल्याएको छ ।

क्रिसमस र नयाँ वर्ष दुवैलाई लक्ष्यित गरी ल्याइएको सो अफर आगामी जनवरी ११ सम्म गाडी किन्ने ग्राहकका लागि लागू हुनेछ । यस अनुसार निसान किक्सका ग्राहकले ४ लाख २९ हजार ९ सय रुपैयाँ पर्ने बेनेली १८०एस बाइक पाउने छन् ।

निसान किक्सको मूल्य ४९ लाख ९९ हजार रुपैयाँ देखि प्रारम्भ हुन्छ । दुई भेरिएन्टमा उपलब्ध यसको अर्को मोडलको मूल्य ५४ लाख ४९ हजार रुपैयाँ छ । यी दुवै १४९८ सीसीका हुन् ।

निसान किक्स किन्दा ३ वर्ष सम्म निःशुल्क सर्भिसिङ गर्न सकिने छ भने ३ वर्षको वारेन्टी उपलब्ध हुनेछ ।

यसरी समग्रमा ५ लाख १२ हजार रुपैयाँ सम्मको फाइदा हुने कम्पनीको भनाइ छ ।

बेनेली १८०एस बाइकमा १७५.३ सीसी सिंगल सिलिन्डर, फोर स्ट्रोक, फोर भल्व, एफआई इन्जिन रहेको छ । उक्त इन्जिनले ९५०० आरपीएममा १७.८ बीएचपी पावर तथा १४ एनएम टर्क जेनेरेट गर्छ । सो मोटरबाइकमा ट्रिपल स्पार्क टेक्नोलोजी, यूएसडी फर्क, ६ स्पिड गियर, गियर इन्डिकेटर, लिक्विड कुल्ड इन्जिन जस्ता प्रिमियम फिचर समावेश गरिएको छ । त्यसैगरी यसमा डबल डिस्क ब्रेक र वेट क्लचप्लेटको प्रयोग गरिएको छ । बाइकमा अपसाइड डाउन मोनोसक सस्पेन्सन र १७ इन्चको अलोय ह्विलको पनि प्रयोग गरिएको छ ।