अब पालो निसान किक्सको : गाडी किन्दा ५ वर्ष सम्म निःशुल्क इन्धन

काठमाडौं – पेट्रोलियम पदार्थबाट चल्ने विभिन्न कार आयातकर्ता कम्पनीहरुले निःशुल्क इन्धन दिने योजना ल्याइरहेको समयमा निसान किक्सका लागि पनि नयाँ योजना सार्वजनिक भएको छ ।

नेपालमा निसानको आधिकारिक वितरक पायोनियर मोटोकर्पले निसान किक्स किन्ने ग्राहकले ५ वर्ष सम्म निःशुल्क इन्धन दिने योजना ल्याएको छ ।

रेन्ज एन्जायटी नहुने, चार्जिङका लागि लाइन लाग्नु नपर्ने, राम्रो रिसेल भ्याल्यु पाइने र ५ वर्ष सम्म कुनै रनिङ कस्ट नै नलाग्ने हुनाले निसान किक्स खरिद गर्नु निकै नै फाइदा हुने कम्पनीको भनाइ छ ।

नेपाली बजारमा उपलब्ध निसान किक्स एसयूभीमा ड्युल एयरब्याग, लक्जरियस इन्टेरियर, २१० एमएमको ग्राउन्ड क्लियरेन्स र अटोमेटिक एसी लगायतका विशेषता रहेका छन् ।

नेपाली बजारमा निसान किक्सको मूल्य ४९ लाख ९९ हजार रुपैयाँ देखि प्रारम्भ हुन्छ ।