निसान ग्रेभाइट लन्च हुने मिति घोषणा, यस्तो हुनेछ नयाँ एमपिभी

निसानले आफ्नो नयाँ एमपिभी ग्रेभाइट लन्च गर्ने मिति घोषणा गरेको छ । यसअघि जनवरी २१ मा डेब्यू गर्ने तय गरिएको ग्रेभाइट अब यहि फेब्रुअरी १७ मा लन्च हुने तय भएको हो ।

रेनो ट्राइवरमा आधारित यस एमपिभीलाई निसालने आफ्ने उहि पुरानै सिएमएफ–ए प्लस प्लेटफर्ममा तयार परोको छ । कारमा १.० लिटर, ३ सिलिन्डर पेट्रोल इन्जिन जडान हुने अपेक्षा गरिएको छ,। ट्रान्समिसनको कुरा गर्नुपर्दा यसमा ५–स्पीड म्यानुअल र ५ स्पीड एएमटी विकल्प उपलब्ध हुनेछ ।

ग्रेभाइटको फ्रन्टमा ग्लस ब्ल्याक कलरको हेक्सागोनल ग्रिलको साथ आकर्षक फ्रन्ट फेसिया हुने जनाइएको छ । यसमा एलईडी डिआरएल र स्कल्पटेड बोनेटका साथ स्लीक ¥यापराउन्ड हेडल्याम्प उपलब्ध हुनेछ ।

सो नयाँ एमपिभीको पछाडी भागको केन्द्रमा क्रोम बार र बम्परमा सिल्भर सी आकारको इन्सर्टसहित स्पष्ट लेन्स टेललाइट रहनेछ । आकारका हिसावले सब ४ मिटर भएपनि यसमा ७ जनाले यात्रा गर्न सक्नेछन् ।