१२ वर्षमा निशानले भारतबाट निर्यात गर्यो १० लाख कार, रेकर्ड यूनिट वन्यो म्याग्नाइट

जापजिन अटो निर्माता निशानले १२ वर्षमा भारतबाट १० लाख युनिट कार निर्यात गरेको छ । उसले हाँसिल गरेको यो माइलस्टोनमा म्याग्नाइट एसयूभी रेकर्ड यूनिट बनेको छ । सन् २०१० मा माइक्रा ह्याचव्याकदेखी शुरु भएको निर्यात यात्रा हाल विश्वका १०८ राष्ट्रमा पुगिसकेको कम्पनीले जनाएको छ ।

निर्यात शुरु भएको ३ वर्ष अवधीमा ३ लाख युनिट कार विश्व बजारमा पठाएको निशानले ७ औं वर्षमा ७ लाख यूनिट निर्यात गरेको थियो । सो समय सन्नी, ड्याट्सन गो, ड्याट्सन गो प्लस र रेडी गो जस्ता मोडल निर्यात गर्दै आइरहेको यो ब्रान्डको सर्बाधिक निर्यात हुने मोडलमा माइक्रा ह्याचव्याक गनिएको थियो ।

पछि माइक्राको उत्पादन यूरोपमा स्थान्तरण गरिएपछि सन् २०१८ मा निर्यात घटेको थियो । सन् २०२० मा विएस६ स्ट्यान्डर्डलाई अनिबार्य गरिएपछि सन्नी र टेरानो एसयूभीको समेत उत्पादन बन्द भयो । सोही साल म्याग्नाइट एसयूभीलाई बजारमा उतारेपछि यो ब्रान्डको निर्यातले झनै गति लिन थालेको छ ।

म्याग्नाइटलाई उसले सन् २०२१ मा पहिलोपटक नेपाल, इन्डोनेशिया र दक्षिण अफ्रिकामा निर्यात गरेको थियो । हाल यो एसयूभी विश्वका १५ राष्ट्रमा निर्यात भैरहेकोे छ । ४ महिनाघि म्याग्नाइटले ५० हजार यूनिट उत्पादनको माइलस्टोन पार गरेको कम्पनीले बताएको थियो ।

कोभिड महामारीले विश्वलाई नै आक्रन्त बनाइरहेको समयमा नेपाल भित्रिएको म्याग्नाइट यहाँको बजारमा सर्बाधिक लोकप्रिय इन्ट्रि लेभल एसयूभीका रुपमा परिचित छ । म्याग्नाइट सहित नेपालमा निशानको किक्स, एक्सट्रेल, नभरा र ड्याट्सन रेडी गो लगायत कार उपलब्ध छन् ।