ब्याट्री स्वापिङ प्रविधिसहित नेपाल भित्रिँदै नियो, पारामाउन्ट मोटर्स बन्यो आधिकारिक बिक्रेता

चिनियाँ ईभी निर्माता नियो ब्याट्री स्वापिङ प्रविधिसहित नेपाल आउने भएको छ । नियोले आफ्ना ईभी बिक्री गर्न पारामाउन्ट मोटर्सलाई आधिकारिक वितरक बनाएसंगै सो नयाँ ब्रान्ड नेपाल आउने पक्कापक्कि भएको हो ।

चिनियाँ ईभी ब्रान्ड एकपछि अर्को भित्रिने क्रममा नियोलाई समेत निकै चासोका साथ हेरिँदै आएको थियो । सो नयाँ ब्रान्डलाई नेपाल ल्याउन आधा दर्जन बढी व्यावसायिक घरना जोडतोडले लाग्दै आएपनि अन्ततः एमजी गाडी बिक्री गर्दे आएको पारामाउन्ट मोटर्सले नियो नेपाल ल्याउने रेस जित्न सफल भएको हो ।

चिनमा सबैभन्दा पहिले ब्याट्री स्वापिङ प्रविधि विकास गरेको नियो विशेषतः स्मार्ट र प्रिमियम गुुणस्तरका ईभी उत्पादनका कारण चर्चामा छ । यस कम्पनीसंग नियोसहित अन्भो र फायरफ्लाई ब्रान्ड पनि छन् । जसमध्ये फायरफ्लाईले चीन बाहिर बिक्री गर्नेगरी साना ईभी उत्पादन गर्दै आएको छ । जसअनुसार सम्भबतः फायरफ्लाई नै नेपाल आउने पहिलो नियो ब्रान्ड हुनेछ ।

चीनमा मात्रै १ हजार ३०० भन्दा बढी ब्याट्री स्वापिङ सेन्टर स्थापना गरेको नियोले आफ्ना ईभीमा अटोमेटिङ ड्राइभिङ सिस्टम, आर्टिफिसियल इन्टेलिजेन्स र उच्च विशेषतायुक्त कनेक्टिभिटी फिचर दिँदै आएको छ ।

कम्पनीले ल्याएको नियो ईएस८, नियो ईएस६, नियो ईटी५ र नियो ईएल७ जस्ता मोडलले विश्व बजारमा निकै राम्रो चर्चा पाएको छ । यस ब्रान्डलाई चीनमा टेस्ला, बीवाईडी, जिकर, एलआई अटो, एक्सपेङ र लुसिड लगायत अन्य थुप्रै प्रिमियम ब्रान्डका प्रतिस्पर्धीका रुपमा हेर्ने गरिन्छ ।