रातको यात्रामा ड्राइभिङ गर्दा हाइ बिम र लो बिमको समन्वय गरौ यसरी

भीडभाडको सडक तथा राजमार्गमा रातको समयमा ड्राइभिङ गर्दा केहि नियमहरु प्रयोग गर्नुपर्छ । जसले दुर्घटनाको सम्भावनालाई कम गर्न मदत गर्छ । सो नियमको जानकारी नभएमा दुर्घटना हुने वा घाइते हुने सम्भावना बढी हुन्छ । सवारी ड्राइभिङ गर्दा कारको हेडलाइट हाई बिम र लो बिममा विशेष ध्यान दिनुपर्छ ।

रातको समयमा ड्राइभिङ गर्दा गाह्रो हुन्छ
रातको समयमा ड्राइभिङ गर्दा विपरित दिशाबाट आइरहेको कार वा ट्रकको लाइटले केही अफ्ठ्यारोमा पारेको हुन्छ । जसको मुख्य कारण हेडलाइट हाई बीममा हुनु हो । यस्तो स्थितिमा दुर्घटना हुने सम्भावना बढि हुन्छ । त्यसैले रातको समयमा सडकमा ड्राइभिङ गर्दा केहि नियम बनाइएको छ ।

हाई बिममा ड्राइभ गर्नको लागि
रातको समयमा राजमार्गमा ड्राइभ गर्दा हाई बिममा ड्राइभ गर्नुपर्छ । किनकी राजमार्गमा विपरित दिशाबाट आउँदै गरेको सवारी डिभाइडरको अर्को साइडमा चलिरहेको हुन्छ । यस्तो स्थितिमा विपरित दिशाबाट आइरहेको गाडीको हाई बिमले केही असर पारेको हुँदैन । यसले दुर्घटना पनि हुँदैन ।

लो बिममा ड्राइभ गर्नको लागि
सिंगल सडक वा भीडभाड ठाउँमा ड्राइभिङ गर्दा हेडलाइटमा लो बिमको उपयोग गर्नु पर्छ । जसको कारणले गर्दा विपरित दिशाका चालकलाई कुनै प्रभाव पारेको हुँदैन । यसले सजिलै विपरित दिशाबाट आइरहेको गाडीलाई ड्राइभ गर्न सजिलो हुन्छ । साथै दुर्घटना हुनबाट जोगिन्छ ।