एनआईसी एसियाका कार्ड प्रयोगकर्ताले सुजुकी बाइक वा स्कुटर किन्दा १५ हजार छुट पाउने

काठमाडौं – एनआईसी एसिया बैंकका डेबिट तथा क्रेडिट कार्ड प्रयोगकर्ताहरूले सुजुकीका दुई पांग्रे सवारी खरिद गर्दा नगद छुट पाउने भएका छन् ।

बैंकका ग्राहकहरुले भीजी अटोमोबाइल्सबाट सुजुकी ब्रान्डका दुई पांग्रे सवारी खरिद गर्दा १२ हजार नगद छुट तथा ३ हजार नगद फिर्ता गरी कुल १५ हजार रकम छुट पाउने भएका हुन् ।

यस सम्बन्धमा बैंकको तर्फबाट सहायक प्रमुख कार्यकारी अधिकृत सन्तोष कुमार राठी तथा भीजी अटोमोबाइल्सको तर्फबाट उप–महाप्रबन्धक धिरज भट्टराईले समझदारीपत्रमा हस्ताक्षर गरेका छन् ।

यो योजना २०७७ मंसिर ५ गतेसम्म लागू हुने बैंकले जनाएको छ ।