२५ किलोमिटर भन्दा बढी माइलेज दिने नयाँ मारुती सुजुकी वागनआर लन्च

मारुती सुजुकीको सबैभन्दा धेरै बिक्री हुने कार मध्येको एक मारुती सुजुकी वागनआरको नयाँ अवतार भारतमा लन्च गरिएको छ । कम्पनीले नयाँ वागनआरको बेस भेरिएन्ट एलएक्सआर्ईको मूल्य ५ लाख ३९ हजार ५०० राखेको छ भने टप भेरिएन्टको मूल्य ६ लाख ८१ हजार भारु तोकिएको छ ।

अपडेट वागनआरमा स्मार्टफोन नेभिगेसनको साथमा ७ इन्च स्मार्टप्ले स्टुडियो इन्फोटेनमेन्ट सिस्टम समावेश छ, जुन ४ स्पिकरमा उपलब्ध छ । यसमा ड्युअल एयरब्याग, एन्टिलक ब्रेकिङ सिस्टम, इलेक्ट्रोनिक ब्रेक फोर्स डिस्ट्रिब्युसन, फ्रन्ट सिट बेल्ट रिमाइन्डर, हाई स्पिड अलर्ट सिस्टम र रियर पार्किङ सेन्सर जस्ता सेफ्टी फिचर रहेको छ ।

नयाँ वागनआर एजीएस भेरिएन्टमा हिल–होल्ड असिस्टको साथ उपलब्ध छ, साथै यसमा स्पोर्टी फ्लोटिङ रूफ डिजाइन र डायनामिक अलोय ह्विलसहितको ड्युअल टोन एक्सटेरियर उपलब्ध छ ।

नयाँ वागनआरमा स्टार्ट–स्टप टेक्नोलोजीको साथ एड्भान्स के सिरिज ड्युअल जेट, ड्युअल भीभीटी इन्जिन जडान गरिएको छ । सो कार १.० लिटर र १.२ लिटर इन्जिन विकल्पमा लन्च गरिएको छ ।

यो पेट्रोल र एस–सीएनजी दुबै विकल्पहरूमा उपलब्ध छ । कम्पनीका अनुसार १.० लिटर पेट्रोल इन्जिनले २५.१९ किलोमिटर प्रतिलिटर माइलेज दिनेछ, जुन आउटगोइङ मोडल तुलनामा १६ प्रतिशत बढी हो ।

साथै, यसको सीएनजी भेरिएन्ट ३४.०५ किलोमिटर प्रति किलोग्रामको दरमा चल्न सक्नेछ । यो निवर्तमान एस–सीएनजी मोडलको तुलनामा करिब ५ प्रतिशत बढी हो । कम्पनीका अनुसार फ्याक्ट्रीमा लगाइएको एस–सीएनजी विकल्प अब एलएक्सआई र भीएक्सआई दुबै भेरिएन्टमा उपलब्ध छ ।