महाराजगन्जमा खुल्यो टाटाको नयाँ सोरुम

काठमाडौं – काठमाडौंको महारजगन्जमा टाटा मोटर्सको नयाँ सोरुम वेस्टर्न मोटर्स खुलेको छ । एक कार्यक्रमका बीच टाटा मोटर्सका प्यासेन्जर भेइकलतर्फका इन्टरनेसनल बिजनेस हेड मायांक बाल्डी र सिप्रदी कम्पनिजका सीईओ राजनबाबु श्रेष्ठले सोरुम शुभारम्भ गरे ।

नेपालमा टाटा मोटर्सको आधिकारिक वितरक सिप्रदी ट्रेडिङ कम्पनीको डिलरको रुपमा वेस्टर्न मोटर्सले कार्य गर्नेछ ।

सो अवसरमा उनीहरुले टाटा मोटर्सले बिक्री र बिक्री पछिको सेवाका लागि देशभर सोरुम विस्तार गरिरहेको र आगामी दिनमा ग्राहक सेवामा अझै ध्यान केन्द्रीत गर्ने बताए ।

वेस्टर्न मोटर्सका म्यानेजिङ डाइरेक्टर खगेन्द्र सिंह बमले टाटा मोटर्सका गुणस्तरीय गाडीहरु ग्राहकलाई उपलब्ध गराउने प्रतिवद्धता स्वरुप सोरुम स्थापना गरिने बताए ।

टाटाले हिजो मात्रै नेपाली बजारमा बीएस६ रेन्जका नयाँ गाडीहरु लन्च गरेको छ ।