कलंकीमा खुल्यो निसान ड्याटसनको नयाँ सोरुम

काठमाडौं – नेपालमा निसान र ड्याटसन गाडीको आधिकारिक वितरक पायोनियर मोटोकर्पले कलंकीमा नयाँ सोरुमको शुभारम्भ गरेको छ ।

काठमाडौं र ललितपुरका लागि निसान र ड्याटसनको एक्सक्लुसिभ डिलर रहेको मेगा मोटर्सले उक्त सोरुम संचालन गर्नेछ । मेगा मोटर्सले यो भन्दा पहिले महाराजगञ्ज र बालकुमारीमा सोरुम संचालन गरिरहेको छ । अब कलंकीमा मेगा मोटर्सको तेस्रो सोरुम हो ।

सोरुम शुभारम्भको अवसरमा पायोनियर मोटोकर्पका म्यानेजिङ डाइरेक्टर सन्दिप सारडाले आफ्ना ग्राहकहरुसँग नजिकिनका लागि ग्राहकमैत्री रणनीतिका साथ अगाडि बढ्ने र कम्पनीको क्रियाशीलतालाई थप अभिवृद्धि गर्नका लागि कलंकीको नयाँ सोरुमले महत्वपूर्ण भूमिका निर्वाह गर्ने विश्वास व्यक्त गरे ।

काठमाडौं उपत्यकामा निसान र ड्याटसन ग्राहकको बढ्दो मागलाई सम्बोधन गर्नका लागि उक्त डिलर स्थापना गरिएको कम्पनीको भनाइ छ ।

उक्त सोरुममार्फत ग्राहकले हालै नेपाली बजारमा उपलब्ध नयाँ लोगोसहितको ‘बिग, बोल्ड, ब्युटिफुल’ निसान म्याग्नाइट समेत अवलोकन र टेस्ट ड्राइभ गर्न सक्ने छन् ।

मेगा मोटर्स युवा व्यवसायी महेश पालद्वारा संचालित सोरुम हो । कलंकीमा अवस्थित सोरुममार्फत थप ग्राहकमैत्री वातावरणका साथ ग्राहकको सेवामा समर्पित हुने उनले प्रतिबद्धता व्यक्त गरे ।