नयाँ राइड सेयरिङ प्लेटफर्म जुमजुम सञ्चालनमा, शुरुमा चालक र यात्रु दुवैलाई धेरै सुविधा

काठमाडौं – नयाँ राइड सेयरिङ प्लेटफर्म “जुमजुम” औपचारिक रुपमा सञ्चालनमा आएको छ । नेपाल मोबिलिटी सोलुन्सन्सले सञ्चालन गरेको उक्त प्लेटफर्म ग्राहकहरूको सहज र सुबिधायुक्त यात्राका लागि नयाँ विशेषताका साथ प्रस्तुत भएको बताइएको छ ।

नेपाली कम्पनी एफवान सफ्ट ग्रुपका विज्ञहरुद्वारा समर्थित र टेक्नोलोजी पार्टनर पिकमीद्वारा विकसित एप जुमजुमले नेपालको यातायात क्षेत्रमा महत्वपूर्ण परिवर्तन ल्याउनुको साथै नेपाली यात्रुहरूको आवश्यकता बमोजिम सुविधा प्रदान गर्ने अपेक्षा राखेको बताइएको छ ।

एफवान सफ्ट ग्रुपका सीईओ सुबाश शर्माले आफ्नो उत्साह व्यक्त गर्दै एफवान सफ्टल सँधै डिजिटल आविष्कारको नेतृत्व गर्दै आएको र नेपालको डिजिटल रूपान्तरणलाई सहज बनाउन डिजिटल उत्पादन र सेवाहरूको इकोसिस्टम निर्माण गर्दै आएको बताए । उनले जुमजुमलाई पनि राइड सेयरिङ सेवाको रूपमा सो इकोसिस्टममा समावेश गर्ने बताए ।

• ईसेवामार्फत सजिलो भुक्तनीः जुमजुममा ईसेवा डिजिटल वालेट मार्फत सजिलै भुक्तानी गर्न सकिन्छ जसले यात्रुहरूलाई खुद्रा पैसाको लागि लिनु पर्ने झन्झटबाट मुक्त बनाउँछ । साथै चालकहरूले ईसेवामार्फत तत्काल भुक्तानीहरू प्राप्त गर्न सक्छन् ।
• मल्टिपल बुकिङः जुमजुममा विभिन्न गन्तव्यहरूको यात्रा सुव्यवस्थित गर्दै व्यक्ति वा समूहले सहजै एकैसाथ धेरै सवारीहरू बुक गर्न सक्छन् ।
• गुगल म्यापः जुमजुमसँग आफ्नो सही गन्तव्य सुनिश्चित गर्न सकिन्छ । गुगल म्यापमार्फत सही नेभिगेसन र वास्तविक समयको ट्राफिक अपडेटहरूको साथ कुशल मार्ग योजना र प्रयोगकर्ता अनुभव गर्न सकिने छ ।
• बुक फर अ फ्रेन्डः जुमजुममा प्रयोगकर्ताहरूले आफ्नो लागि मात्र नभई एपमा पहुँच नभएका वा आफ्नो लागि बुक गर्न नसक्ने साथीहरू वा परिवारका सदस्यहरूका लागि पनि सवारी बुक गर्न सक्छन् ।
• बिमा कभरेजः बिमा कभरेजले प्रयोगकर्ताहरूलाई अप्रत्याशित घटनाहरूबाट सुरक्षा सुनिश्चित गर्दछ । सुरक्षालाई प्राथमिकता दिँदै जुमजुमले यात्रु र चालक दुवैका लागि ५ लाख रुपैयाँ सम्मको बिमा प्रदान गर्दछ ।

प्रयोगकर्तामैंत्री इन्टरफेस रहेको जुमजुम एपमार्फत यात्रुहरूले आफ्नो स्मार्टफोनमा केही क्लिकमै सवारी बुक गर्नुको साथै रियलटाइम ट्रयाकिङले सवारीहरूलाई व्यवस्थित र निगरानीको साथ झन्झट–रहित यात्राको अनुभव सुनिश्चित गर्दछ। जुमजुमले ड्राइभरहरूको लागि प्रमाणिकरण प्रक्रियाहरू र एप भित्र सुरक्षा उपायहरूको साथ यात्रुहरुको सुरक्षामा महत्वपूर्ण भूमिका निर्वाह गर्ने अपेक्षा गरिएको कम्पनीको भनाइ छ ।

जुमजुमले चालकहरूको लागि थप आर्थिक अवसरहरू समर्थन गर्ने, डाइरेक्सनल हायर जस्ता सुविधाहरू मार्फत चालकहरूलाई उनीहरूको इच्छित यात्रा दिशामा यात्राहरू स्वीकार गर्न अनुमति दिने र एउटै दिशामा जाने यात्रुहरूसँगको यात्रा सुनिश्चित गर्ने बताएको छ ।

जुमजुमले पहिलो तीन सवारीहरूमा ७५ प्रतिशत छुटको प्रस्तावको साथ यात्रुहरूको लागि अविश्वसनीय बचतमा जोड दिएको छ । थप रूपमा, चालकहरूले एक हजार रुपैयाँ ज्वाइनिङ बोनस सहित आकर्षक बोनसहरूबाट लाभ उठाउँन सक्छन् । प्रारम्भिक दुई हप्ताको लागि कमिसन नचाहिने र अन्य विभिन्न सुविधा समेत उपलब्ध गराएको कम्पनीको भनाइ छ ।

एफवान सफ्टका अध्यक्ष विश्वास ढकालले जुमजुमले नेपालको यातायातको परिदृश्यमा क्रान्ति ल्याइरहेको मात्रै नभएर रोजगारीका अवसरहरू सिर्जना गरी नेपाली अर्थतन्त्रमा पनि महत्वपूर्ण योगदान पुर्याउने बताए ।

जुमजुम डाउनलोड गर्नका लागि चालकले यो लिंक र यात्रुले यो लिंक क्लिक गरी आवश्यक कार्य गर्न सकिन्छ । त्यसैगरी जुमजुम र जुमजुमको सुविधाहरू बारे थप जानकारीको लागि यो लिंकमा क्लिक गर्न सकिन्छ ।