अर्को इलेक्ट्रिक बाइक : ओडिसी ब्रान्डको इभोकस

ओडिसी ब्रान्डको नयाँ इलेक्ट्रिक बाइक इभोकस नेपाली बजारमा भित्रिएको छ । नेपालका लागि आधिकारिक वितरकको रुपमा ओहम इलेक्ट्रिक ट्रेडिङ प्रालिले सो बाइक नेपाली बजारमा भित्र्याएको हो ।

भैरहवामा मुख्य कार्यालय रहेको ओहमले विस्तारै काठमाडौं लगायत अन्य स्थानमा समेत शोरुम विस्तार गर्ने योजना रहेको जानकारी दिएको छ ।

सो इलेक्ट्रिक बाइकमा ३ हजार वाटको मोटर रहेको छ भने यसको पिक पावर ४ हजार ३ सय वाट छ । यसको मोटरमा ३ वर्षको वारेन्टी छ ।

यसमा ७२ भोल्ट ६० एएचको ब्याट्री छ, जसलाई ६ घण्टामा फुल चार्ज गर्न सकिन्छ । यसले सिंगल चार्जमा १५० किलोमिटर गुडाउन सकिन्छ । ब्याट्रीमा पनि ३ वर्षको वारेन्टी उपलब्ध छ ।

यसको मूल्य ४ लाख ६५ हजार रुपैयाँ तोकिएको छ ।

भारतको हैदरावादमा अवस्थित ओडिसी एक प्रतिष्ठित कम्पनी हो ।