जोन अब्राहमको ग्यारेजमा थपियो नयाँ महिन्द्रा थार रक्स ब्ल्याक एडिसन

चर्चित बलिउड अभिनेता जोन अब्राहमले महिन्द्राको नयाँ थार रक्स ब्ल्याक एडिसन खरिद गरेका छन् । याे विशेष रूपमा महिन्द्रा एण्ड महिन्द्राका प्रमुख डिजाइनर प्रताप बोसद्वारा डिजाइन गरिएको हो र यसको एन्सटेरियर र इन्टेरियरमा जेए ब्याजिङ ठाउँ ठाउँमा देख्न सकिन्छ ।

नयाँ थार रक्स ब्ल्याक एडिसनमा पूर्ण रूपमा ब्ल्याक इन्टेरियर र एक्सटेरियर रहेको छ। यसमा ब्ल्याक अलोय ह्विल, ब्ल्याक बम्पर र ब्ल्याक रङको महिन्द्रा लोगो समावेश गरिएको छ । यो परिमार्जित संस्करण हो र नियमित थार रक्स भन्दा अलि फरक देखिन्छ। सबैभन्दा विशिष्ट विशेषता भनेको सी-पिलरमा 'जेए' सिग्नेचर हो ।

जोन अब्राहमले सामाजिक सञ्जालमा कालो रङका गाडीप्रतिको आफ्नो विशेष प्रेम व्यक्त गर्दै भने, "मेरो ग्यारेजमा रहेका सबै गाडी कालो रङका छन् । अब महिन्द्राको थार रक्स ब्ल्याक एडिसन पनि त्यसमा थपिएको छ ।"

गाडीको इन्टेरियरमा एसी भेन्टको तल एउटा प्लेटमा जोन अब्राहमको लागि बनाइएको भन्ने लेखिएको छ । यसले सो कार विशेष गरी जोनको लागि बनाइएको हो भन्ने देखाउँछ । जोन अब्राहमको थार रक्स टप मोडल एएक्स७ एल हो, जसमा सबै उन्नत फिचर समावेश छ । यसमा भेन्टिलेटेड फ्रन्ट सिट, १०.२५ इन्चको टचस्क्रिन इन्फोटेनमेन्ट सिस्टम, वायरलेस एन्ड्रोइड अटो र एप्पल कार प्ले, ९ स्पिकर भएको हरमन कार्डन साउन्ड सिस्टम, प्यानोरामिक सनरुफ र वायरलेस चार्जर जस्ता फिचर छन् ।

सेफ्टीका लागि यसमा लेभल २ एडास अन्तर्गत ६ वटा एयरब्याग, अटो होल्ड सहितको इलेक्ट्रोनिक पार्किङ ब्रेक, एबीएस, अगाडि र पछाडि पार्किङ सेन्सर र ३६० डिग्री क्यामेरा सहित धेरै फिचर छ ।

थार रक्समा २.२ लिटर डिजेल इन्जिन छ, जसले १७५ पीएस पावर र ३७० एनएम टर्क उत्पादन गर्छ । यसमा ६ स्पिड अटोमेटिक ट्रान्समिसनको विकल्प छ । डिजेल इन्जिनमा ४x४ ड्राइभ सिस्टमको सुविधा पनि छ, जुन अफ-रोडिङको लागि उपयुक्त छ ।