नेपाली बजारमा नयाँ इलेक्ट्रिक स्कुटर क्यापाचिनो एस, मूल्य ४ लाख २९ हजार

काठमाडौं - नेपाली बजारमा नयाँ चिनियाँ ब्रान्ड जम्बो ब्राभोको इलेक्ट्रिक स्कुटर क्यापाचिनो एस भित्रिएको छ । नेपालका लागि आधिकारिक वितरकको रुपमा जम्बो मोटर्स प्रालिले सो स्कुटर बजारमा उपलब्ध गराएको हो ।

आइतबार नक्सालस्थित शोरुममार्फत सो इलेक्ट्रिक स्कुटर सार्वजनिक गरियो । यसमा ब्लुटुथ कनेक्टिभिटीसहितको फुल डिजिल डिस्प्ले छ। साथै कीलेस स्टार्ट, एलइडी लाइट्स, डबल डिस्क ब्रेक, सिबिसी ब्रेकिङ जस्ता फिचरहरु उपलब्ध छन्। 

यसमा ५५ एम्पीयर ७२ भोल्टको लिथियम आयन ब्याट्री दिइएको छ। यसमा ६ किलोवाट पिक क्षमताको मोटर प्रयोग गरिएको छ। यो स्कुटरको टप स्पीड क्षमता भने ८० किलोमिटर प्रतिघन्टा छ।

उक्त स्कुटरको मूल्य ४ लाख २९ हजार रुपैयाँ तोकिएको छ। क्यापाचिनो एसलाई एकपटकको फुल चार्जमा १४० किलोमिटरसम्म यात्रा गर्न सकिने कम्पनीको दाबी छ।