नयाँ डस्टरको ‘राइट ह्यान्ड ड्राइभ’ संस्करण पहिलोपटक सार्बजनिक

रेनोले आफ्नो नयाँ जेनेरेशन डस्टरको राइट ह्यान्ड ड्राइभ भर्सन पहिलोपटक सार्बजनिक गरेको छ । सो नयाँ एसयूभीलाई रेनोले दक्षिण अफ्रिकामा हालै आयोजना भएको एक अटो एक्स्पोमा सार्बजनिक गरेको हो ।

यसै वर्षको सुरुमा विश्व बजारमा अनावरण गरिएको नयाँ जेनेरेशन डस्टर २०२५ मा भारतमा आउने रेनोले पुष्टि गरेको छ ।एसयुभी भारतमा उत्पादन भई विश्वका अन्य बजारमा निर्यात हुने बताइएको छ ।

राइट ह्यान्ड ड्राइभ संस्करणले ग्लोबल मोडेलमा जस्तै स्टियरिङ ह्वील, डिजाइन, इन्टेरियर, क्याविन सुविधा र प्रविधि पाउने जनाइएको छ । नयाँ डस्टर भारतमा हाल बिक्री हुँदै आएको किगर एसयूभीभन्दा माथी रहनेछ । यसले हुन्डाई क्रेटा, किया सेल्टोस, टाटा कर्भ, मारुती ग्रान्ड भिटारा, र टोयोटा हाइराइडरसँग प्रतिस्पर्धा गर्नेछ ।

विश्वव्यापी रूपमा, डस्टर तीन इन्जिन विकल्पमा उपलब्ध रहँदै आएको छ । यसमा १.२ लिटर ३ सिलिन्डर टर्बो–पेट्रोल माइल्ड हाइब्रिड प्रणाली, १.० लिटर ३ सिलिन्डर टर्बो बाई–इंन्धन इन्जिन र १.६ लिटर पेट्रोल हाइब्रिड समावेश छ । जुन दुई इलेक्ट्रिक मोटर र १.२ किलोवाट ब्याट्री प्याकका साथ आउँछ । यो फ्रन्ट–व्हील ड्राइभ र फोर वाई फोर कन्फिगरेसनमा उपलब्ध रहँदै आएको छ ।