परीक्षणका क्रममा देखियो नयाँ बजाज पल्सर एन १२५, फेस्टिभ सिजनमा लन्च हुने सम्भावना

बजाज अटोले आफ्नो नयाँ कम्युटर बाइक पल्सर एन १२५ मा काम गरिरहेको छ । सो बाइक अब आउने फेस्टिभ सिजनमा लन्च गर्न सक्ने सम्भावना छ । हालै सो मोटरसाइकल परीक्षणको क्रममा देखिएको थियो ।

परीक्षणमा देखिएको पल्सर एन१२५ मा ठुला एलईडी हेडल्याम्प र शार्प एक्सटेन्सनसहितको मस्कुलर फ्युल ट्याङ्की देखिएको छ । बाइकको पछाडिको भागमा ड्युअल एलईडी टेलल्याम्प सेटअप भएको टेल सेक्शन पनि देखिएको छ । सो बाइक टर्न इन्डिकेटर हलोजनले सुसज्जित हुनेछ ।

नयाँ बजाज पल्सर एन१२५ मा एन१५० जस्तै फ्रेम हुने सम्भावना छ । सस्पेन्सनको लागि यसमा टेलिस्कोपिक फ्रन्ट फोर्क र रियर मोनोसक जडान गर्न सकिनेछ भने ब्रेकिङको लागि फ्रन्टमा डिस्क ब्रेक र रियरमा ड्रम ब्रेक हुनेछ । बाइकमा एन्टि लक ब्रेकिङ सिस्टमको सट्टा कम्बाइन्ड ब्रेकिङ सिस्टम दिन सकिनेछ । आगामी पल्सर एन१२५ स्मार्टफोन जडानको साथ रिभर्स एलसीडीको साथ आउने अपेक्षा गरिएको छ।

मिडिया रिपोर्टका अनुसार पल्सर एन१२५ मा एन१५० इन्जिनको सानो संस्करण देख्न सकिने अनुमान गरिएको छ । यसमा १२५ सीसीको एयर कुल्ड इन्जिन हुनेछ ।

सो बाइकको मूल्य १ लाख भारु हुन सक्ने अनुमान गरिएको छ । भारतीय बजारमा लन्च भएपछि यसले टीभीएस रेडर १२५, हिरो एक्सट्रिम १२५आर र होन्डा एसपी १२५ जस्ता बाइकसँग प्रतिस्पर्धा गर्नेछ ।