नेटा अटोले उत्पादन पार ग-यो ३ लाख युनिट उत्पादनको माइलस्टोन

प्रसिद्ध चाइनिज इलेक्ट्रिक कार कम्पनी नेटा अटोले आफ्नो ३ लाखौं कार उत्पादन गरेको अवसरमा खुसी मनाएको छ । यो भन्दा पहिले १ लाखौं कार एसेम्बली लाइनबाट बाहिरिएको १६ महिनापछि नै कम्पनीले आफ्नो ३ लाखौं गाडीको उत्पादन गरेको अवसरमा खुसी मनाउन पाएको हो । यसरी ३ लाखौं कार बन्न सफल भएको छ नेटा जीटी ।

त्यसैगरी नेटा अटोले सन् २०२३ मा आफ्नो बिक्री दोब्बर बनाउने लक्ष्य राखेको छ र यो वर्ष मात्रै ३ लाख युनिट बिक्री गर्ने लक्ष्य राखेको छ ।

नेटा अटोले पार गरेको यो कोशेढुङ्गाको यात्रा उल्लेखनीय रहेको छ । गत वर्ष, नेटा अटोले १ लाख ५२ हजार ७३ युनिटको बिक्री रेकर्ड गरेको थियो, जुन अघिल्लो वर्षको तुलनामा ११८ प्रतिशतले बढी थियो । त्यसैगरी कम्पनीले सन् २०२२ मा ३ हजार ४५६ युनिट कार विदेश निर्यात गरेको थियो ।

सन् २०२२ को जनवरीमा नेटा अटोले १ लाख सवारी साधन उत्पादनको माइलस्टोन पार गरेको घोषणा गरेको थियो । यसको १६ महिना पछि नै कम्पनीले थप २ लाख युनिट पार गरेको छ ।

नेटाले अन्तर्राष्ट्रिय बजारमा नेटा भी सब–कम्प्याक्ट क्रसओभर उपलब्ध गराइरहेको छ, जुन नेपाल लगायत थाइल्यान्ड, मलेसिया, दक्षिण अमेरिका, मध्यपूर्व आदि देशहरुमा बिक्री भइरहेको छ । कम्पनीले नेटा भी, नेटा यु, नेटा एस र नेटा जीटी गरी चार इलेक्ट्रिक कार उपलब्ध गराइरहेको छ ।

चाइनिज कम्पनी होजोन अटोले सन् २०१८ मा नयाँ ब्रान्डको रुपमा नेटा अटो लन्च गरेको थियो । त्यसपछि मात्र कम्पनीले विभिन्न मोडलका सवारी साधन उत्पादन थालेको थियो ।

नेपाली बजारमा उपलब्ध नेटा भीको मूल्य ३७ लाख ९९ हजार रुपैयाँ तोकिएको छ । यसममा ३८.५ किलोवाट आवरको ब्याट्री प्याक र ७० किलोवाटको मोटर रहेको छ । यसले सिंगल चार्जमा ३८० किलोमिटर भन्दा बढी रेन्ज दिने कम्पनीको भनाइ छ ।