४८ घन्टामै ३१ हजार बढी अर्डर भयो लिपमोटर बी१०, नेपाल ल्याउन सांग्रिला मोटर्स उत्साहित

काठमाडौं– लिपमोटरले चीनमा हालै लन्च गरेको नयाँ बिद्युतिय एसयूभी बी१० प्रि–सेल खुला भएको ४८ घन्टाभित्रै ३१ हजार ६८८ यूनिट बिक्री भएको छ ।

बुकिङ भएका कारमा ७३ प्रतिशत हिस्सा लायडर सेल्फ–ड्राइभिङ संस्करणले ओगटेको कम्पनी भनाई छ । कम्पनीका अनुसार पहिलो घन्टामै १५ हजार १० यूनिट भन्दा बढी अर्डर पुगेकोले यसको इभी बजारमा उच्च माग भएको प्रमाणित गरेको छ ।

चिनियाँ बजारमा १६ हजार ६०० डलर हाराहारी मूल्य तोकिएको सो ईभीमा लायडार प्रविधि उपलब्ध गराइएको छ । लिपमोटरको लिप ३.५ प्लेटफर्ममा निर्मित यो कार आकर्षक डिजाइन, स्मार्ट ड्राइभिङ फिचरहरू, ठूलो टचस्क्रिन, र प्रिमियम साउन्ड सिस्टम सहित आउँछ ।

६०० किलोमिटरसम्म रेन्ज दिने दाबी गरिएको बी१० ले ८०० भोल्ट क्षमताको फास्ट चार्जिङ सपोर्ट गर्दछ । सो ईभीलाई ३० प्रतिशतबाट ८० प्रतिशतसम्म चार्ज हुन मात्र २० मिनेट लाग्ने बताइएको छ ।

लिपमोटरले चीनमा देखाएको सफलता विश्वव्यापी विस्तारको संकेत हो । ब्रान्डको लक्ष्य प्रत्येक महिनामा ४० हजार बी–सीरीज गाडी बिक्री गर्ने र २०२५ भित्र ५ लाख वार्षिक डेलिभरी पुर्याउने रहेको छ ।

बी१० लाई जतिसक्दो छिटो नेपाल ल्याउन आँफुहरु उत्साहित भएको नेपालका लागी आधिकाकिर वितरक सांग्रिला मोटर्सले जनाएको छ । नेपाल आएपछि यसले नेपालको स्मार्ट र दिगो यातायातको यात्रालाई अझ गति दिने विश्वास कम्पनीले लिएको छ ।