नासा नेपाल लुम्बिनी प्रदेश अध्यक्षमा मस्कुर अहमद

बुटवल – मोटर स्पोर्ट्स र अटोमोबाइल मोबिलिटी, टुरिजम र रोड सेफ्टी क्षेत्रमा संलग्न युवाहरुको भेलाले नेपाल अटोमोबाइल्स एसोसिएसनको लुम्बिनी प्रदेश संघ गठन गरेको छ ।

एफआईए वर्ल्ड काउन्सिल मेम्बर गोबिन्द भटराईको अध्यक्षता तथा लुम्विनी प्रदेश खेलकुद बिकास समितिका सदस्यसचिव जय प्रकाश भट्टराईको प्रमुख आतिथ्यता र नासा नेपालका प्रतिनिधि अनिल बरालको उपस्थितिमा सम्पन्न भेलाले व्यवसायी मस्कुर अहमदको अध्यक्षतामा १५ सदस्यीय प्रदेश संघ गठन गरेको छ ।

उक्त संघको उपाध्यक्षमा डा कृष्ण खरेल, दिनेश शर्मा र सुमन बस्याल रहेका छन् भने महासचिवमा राहुल कशौधन, कोषाध्यक्षमा वसिम अक्रम खान र सचिवमा ई कुशुम ज्ञवाली रहेका छन्।

त्यसैगरी संघका सदस्यहरुमा दिनेश श्रेष्ठ, सन्दिप कशौधन, डा अन्जनी बर्णवाल, विनय कशौधन, महेश शर्मा, नरेश ज्ञवाली रोशन जिसी र मिरा श्रेष्ठ रहेका छन्।

सल्लाहकारमा संकल्प श्रेष्ठ, वसन्त भण्डारी, ललित श्रेष्ठ, अपूर्व सिंह, मञ्जु गिरी, प्रशान्त कोइराला र प्रविना घिमिरे रहेका छन् ।

यसका साथै भेलाले आगामी साउन १३ गते काठमाडौमा आयोजना हुने नासाको साधारणसभाका लागि अध्यक्ष मस्कुर अहमद, उपाध्यक्ष दिनेश शर्मा, महासचिव राहुल कशौधन, वसिम अक्रम खान र प्रविना घिमिरेलाई प्रतिनिधिको रुपमा पठाउने निर्णय गरेको छ।